టాలెంటెడ్ డైరెక్టర్ కొరటాల శివ ప్రస్తుతం తెగ కష్టపడుతున్నాడు. తన దర్శకత్వంలో ఎన్టీఆర్ హీరోగా వస్తున్న ‘పాన్ ఇండియా సినిమా’ సినిమా కోసం గ్లామర్ డోస్ ను విపరీతంగా పెంచుకుంటూ పోతున్నాడు. గతంలో కొరటాల శివ ఎప్పుడు ఇలా హీరోయిన్ల కోసం తాపత్రయ పడలేదు. తాజా సమాచారం మేరకు ఎన్టీఆర్ సినిమాలో బాలీవుడ్ హాట్ బ్యూటీ ‘మలైకా అరోరా’ కూడా నటించబోతుంది.
ఈ సినిమా మొదటి షెడ్యూల్ లో మలైకా అరోరా పై ఓ సాంగ్ ను షూట్ చేయబోతున్నారు. ఐతే, ఎన్టీఆర్ సరసన ఇలా మరో భామ పేరు వినిపిస్తూ ఉండేసరికి ఇంకా ఎంత మంది హీరోయిన్లు ఉన్నారు ఈ సినిమాలో అంటూ నెటిజన్లు కామెంట్స్ చేస్తున్నారు. నిజానికి ఎన్టీఆర్ సరసన అలియా భట్ అంటూ మొదలైన ప్రచారం.. కియారా అద్వానీ, జాన్వీ కపూర్, రష్మిక మందన్నా, చివరకు శ్రీలీల వరకూ సాగింది.
ఇప్పటికే బాగా ఆలస్యం అయిన ఈ సినిమా వచ్చే ఏడాది అక్టోబర్‌ 5న విజయ దశమి సందర్భంగా విజయదుందుభి మోగించడానికి రెడీ అవుతుంది. ఇక ఈ సినిమాలో ఎన్టీఆర్ వజ్రాల దొంగ అని.. అలాగే సముద్రంలో సైనికుల్ని కాపాడే రక్షకుడిగానూ కనిపిస్తాడని.. ఒక దొంగ దేశం కోసం పోరాడే వీరుడిగా ఎలా మారాడు అనేది ఎన్టీఆర్ పాత్ర అని తెలుస్తోంది. ఏది ఏమైనా వచ్చే దసరాకి ఈ సినిమా రిలీజ్ చేయాలని కొరటాల ప్లాన్. మరి ఏమవుతుందో చూడాలి.
ఇవి కూడా చదవండి…
