మహేశ్‌బాబు కథానాయకుడిగా రకుల్‌ప్రీత్‌ సింగ్‌, ఎస్‌.జె.సూర్య తదితరులు ముఖ్యపాత్రలుగా నటిస్తున్న చిత్రం ‘స్పైడర్’. ఏఆర్‌ మురుగదాస్‌ దర్శకుడు. షూటంగ్‌ సెట్‌కి శనివారం చిట్టి ‘స్పైడర్’ వచ్చి అందరినీ సర్‌ప్రైజ్‌ చేసింది. అదెవరో కాదు మహేశ్ గారాలపట్టి సితార.నాన్న భుజంపై చేతులు వేసి షూటింగ్‌ చూస్తూ ఎంజాయ్‌ చేస్తుంటే మహేశ్ తన చిట్టితల్లిని చూసి మురిసిపోతున్న ఫొటోలను చిత్రవర్గాలు సోషల్‌మీడియాలో పోస్ట్‌ చేశాయి.
ఈ సినిమాకు కెమెరామెన్‌గా పనిచేస్తున్న సంతోష్ శివన్ సెట్‌లో సితార ఇచ్చిన పోజులను కెమెరాలో బంధించి సోషల్‌మీడియాలో షేర్ చేశారు. మహేశ్, రకుల్ కూడా సితారతో కలిసి దిగిన ఫొటోలను సోషల్‌మీడియాలో షేర్ చేశారు. ‘సితార ఎక్స్‌ప్రెస్సివ్ చైల్డ్’ అంటూ రకుల్ ట్వీట్ చేసింది. ‘1 నేనొక్కడినే’ సినిమాలో తనయుడు గౌతమ్‌ను వెండితెరపై చూపించిన మహేశ్.. మురుగదాస్‌తో నటిస్తున్న ‘స్పైడర్’ చిత్రంతో కుమార్తె సితారను సిల్వర్ స్క్రీన్‌కు పరిచయం చేయబోతున్నాడని టాక్ వినిపిస్తోంది. ఈ సినిమాలో సితార నటిస్తోందో లేదో తెలియాలంటే విడుదల దాకా ఆగాల్సిందే!.
