ప్రిన్స్ మహేశ్ బాబు, పూజా హెగ్డే హీరో హీరోయిన్స్‌గా నటిస్తోన్న చిత్రం ‘మహర్షి’ వంశీ పైడిపల్లి దర్శకత్వంలో తెరకెక్కుతున్న ఈ సినిమాపై భారీ అంచనాలు నెలకొన్నాయి. రైతు క‌థాంశంతో తెరకెక్కుతున్న ఈ సినిమాను దిల్‌రాజు, అశ్వనీదత్, పీవీపీ ప్రసాద్‌లు సంయుక్తంగా నిర్మిస్తున్నారు. ఈ మూవీలో మహేష్ రెండు డిఫరెంట్‌ లుక్స్‌ లో కనిపించనున్నాడు.
తొలుత ఏప్రిల్ 5న సినిమా విడుదలవుతుందని చిత్రయూనిట్ ప్రకటించింది. తర్వాత రిలీజ్ డేట్ మార్పుచేసి ఏప్రిల్ 26న సినిమా విడుదల తేదీని ప్రకటించింది. తాజాగా మరో డేట్‌ని ప్రకటించింది చిత్రయూనిట్. ఏప్రిల్ 25న సినిమా విడుదలవుతుందని నిర్మాతలు ప్రకటించారు.
మహేష్ బాబు సరసన పూజా హెగ్డే కథానాయికగా నటిస్తోన్న ఈ సినిమాలో ‘అల్లరి’ నరేశ్‌ కీలక పాత్ర పోషిస్తున్నారు. అశ్వనీదత్, ‘దిల్‌’ రాజు, పీవీపీ సంయుక్తంగా నిర్మిస్తున్నారు. మహాశివరాత్రి కానుకగా టీజర్‌ని విడుదల చేసే ఆలోచనలో ఉందట చిత్రయూనిట్. మహేశ్ కి ఇది 25వ సినిమా కావడంతో వంశీ పైడిపల్లి ఎన్నో జాగ్రత్తలు తీసుకుని తెరకెక్కించినట్లు తెలుస్తోంది.
గతంలో మహేష్ న‌టించిన పోకిరి (2006 ఏప్రిల్ 28), భరత్‌ అనే నేను (2018 ఏప్రిల్ 20) ఏప్రిల్ నెల‌లోనే విడుద‌లై మంచి విజ‌యం సాధించ‌డంతో మహర్షి కూడా త‌ప్ప‌క భారీ విజ‌యం సాధిస్తుంద‌ని టీం భావిస్తుంది.
