శ్రీమంతుడు సినిమా తరువాత మహేష్ బాబు కొరటాల శివతో సినిమా చేస్తున్న సంగతి తెలిసిందే. ఈ సినిమాకు భరత్‌ అను నేను అనే టైటిల్ ఖరారు చేసినట్టు సమాచారం. ఇప్పటికే పూజా కార్యక్రమాలు జరుపుకున్న ఈ చిత్రాన్ని నేటి నుండి సెట్స్ పైకి తీసుకెళ్ళాడు కొరటాల. ఈ విష‌యాన్ని అఫీషియ‌ల్ గా ప్ర‌క‌టించారు. ప్ర‌స్తుతం ఈ మొదటి షెడ్యూల్లో నటుడు శరత్ కుమార్ పై కీలక సన్నివేశాల చిత్రీకరణ జరగనుంది. మురుగదాస్ తో చేస్తున్న ‘స్పైడర్’ తాలూకు అన్ని పనులు పూర్తవగానే మహేష్ బాబు షూటింగ్లో జాయిన్ అవుతారు. మహేష్ 24వ చిత్రంలో ప్రిన్స్ పొలిటీషన్ గా కనిపించనున్నట్టు సమాచారం. దేవి శ్రీ ప్రసాద్ ఈ చిత్రానికి సంగీతం అందించనున్నాడు.
సూప‌ర్ స్టార్ మహేష్ బాబు, కొరటాల సేవల కాంబినేషన్లో రూపుదిద్దుకున్న ‘శ్రీమంతుడు’ చిత్రం మహేష్ కెరీర్లోనే భారీ బ్లాక్ బస్టర్ గా నిలిచింది. అందుకే వీరి కలయికలో రూపొందనున్న మరో సినిమాపై ప్రేక్షకుల్లో, పరిశ్రమలో మంచి అంచనాలు ఉన్నాయి. కాగా, ఈ చిత్రానికి దేవిశ్రీ ప్రసాద్ సంగీతం అందిస్తున్నాడు. కైరా అద్వానీ హీరోయిన్. డివివి ఎంటర్టైన్మెంట్స్ నిర్మిస్తున్న ఈ భారీ ప్రాజెక్ట్ ను 2018 సంక్రాంతికి విడుద‌ల కానుంది.
