సౌత్ సినీ పరిశ్రమకు గుడ్ బై చెప్పి బాలీవుడ్లో సెటిలైన హీరోయిన్ ఇలియానా…. అక్కడ పెద్ద స్టార్ అయ్యేందుకు చాలా కష్టపడుతోంది. ఇలియానా త్వరలో ‘బాద్‌షాహో’ అనే బాలీవుడ్ సినిమా ద్వారా ప్రేక్షకుల ముందుకు రాబోతోంది. ఈ చిత్రంలో ఆమె అజయ్ దేవగన్ ప్రియురాలిగా, రాయల్ లేడీ పాత్రలో గతంలో ఎన్నడూ లేని విధంగా ఆమె ఈ చిత్రంలో కొన్ని బోల్డ్ సీన్లు చేసింది. తాజా సమాచారం ప్రకారం ఇలియానా మళ్లీ తెలుగు ప్రేక్షకులను పలకరించాలని ఉందని ఇటీవలే దర్శక నిర్మాతలకి సంకేతాలు పంపడం మొదలెట్టింది.
ఇదిలా ఉండగా గతంలో మహేశ్ – ఇలియానా కాంబినేషన్లో వచ్చిన ‘పోకిరి’ ఏ రేంజ్ లో హిట్ అయిందో తెలిసిందే. ఇప్పుడు మళ్లీ ఇదే కాంబినేషన్‌ రిపీట్ అవ్వబోతున్నట్టు తెలుస్తో్ంది. వంశీ పైడిపల్లి దర్శకత్వంలో మహేష్ ఓ సినిమా చేస్తున్న సంగతి తెలిసిందే. ఈ సినిమాలో హీరోయిన్ కోసం కీర్తి సురేష్, పూజా హెగ్డే.. పేర్లు వినిపించాయి. తాజాగా ఫిల్మ్‌నగర్‌లో మరో వార్త వినిపిస్తోంది. ఇప్పుడు ఆ స్థానంలో గోవా బ్యూటీ ఇలియానా వచ్చిందని సమాచారం. వంశీ అడగ్గానే ఈ చిత్రంలో నటించడానికి ఆసక్తి కనబరిచిందట. సో, ఆమెనే కాన్ఫాం చేయాలనీ చిత్ర యూనిట్ భావిస్తుందట. ఈ విషయంపై అధికారికంగా ఎలాంటి ప్రకటన రాలేదు.
ప్రిన్స్ మహేష్ బాబు ప్రస్తుతం ‘స్పైడర్’ మూవీ షూటింగ్ కంప్లేట్ చేసుకుని, ప్రస్తుతం కొరటాల శివ దర్శకత్వంలో ‘భరత్ అను నేను’ మరియు వంశి పైడిపల్లి డైరెక్షన్ లో మరో మూవీ చేస్తున్నారు. వంశీ పైడిపల్లి మూవీ రీసెంట్ గా మొదలైంది. ఈ చిత్రాన్ని ప్రముఖ నిర్మాతలు అశ్విన్ దత్, దిల్ రాజు కలిసి నిర్మిస్తున్నారు.
