తన కెరీర్ లో సూపర్ స్టార్ మహేష్ బాబు ‘భరత్ అనే నేను’ సినిమాతో బ్లాక్ బస్టర్ హిట్ అందుకున్నారు. కొరటాల శివ దర్శతకత్వంలో వచ్చిన ఈ సినిమా బాక్సీఫీస్ వద్ద కలెక్షన్ల వర్షం కురపించింది. ఏప్రిల్ 20వ తేదీన ప్రపంచవ్యాప్తంగా విడుదలై ఈ నెల 28వ తేదీతో 100 రోజులు పూర్తి చేసుకోనుంది. ఈ సినిమాలో మహేష్ ముఖ్యమంత్రి పాత్రలో నటించారు. ఆయన సరసన బాలీవుడ్ బ్యూటీ కైరా అద్వానీ నటించింది.
మొదటి సారిగా రాజకీయనాయకుడిగా కనిపించి.. అభిమానులను అలరించాడు. ఇక కొరటాల శివ తెరకెక్కించిన విధానం.. కైరా అద్వాని గ్లామర్, దేవి శ్రీప్రసాద్ సంగీతం ఈ సినిమా విజయానికి కారణంగా చెప్పుకోవచ్చు. సుమారు రూ.200 కోట్లకుగా పైగా వసూళ్లు రాబట్టింది. ఈ నెల 28న 100వ రోజు సందర్భంగా మహేష్ అభిమానులు ఆయా థియేటర్ల వద్ద సందడి చేయనున్నారు.
ప్రస్తుతం తన 25వ సినిమాని పూర్తి చేసే పనిలో ఉన్నాడు. ఈ సినిమాకి వంశీపైడి పల్లి దర్శకత్వం వహిస్తున్నారు. ఇందులో టాలీవుడ్ కామెడీ హీరో అల్లరి నరేష్ ఓ ముఖ్యపాత్రలో నటిస్తుండగా.. మహేష్ సరసన పూజా హెగ్డే నటిస్తోంది. దిల్ రాజు – అశ్వినీదత్ – పీవీపీ సంయుక్తంగా ఈ మూవీని నిర్మిస్తున్నారు.
