డా. రాజశేఖర్ కథానాయకుడిగా నటించిన మూవీ ‘పి.ఎస్‌.వి. గరుడవేగ’. ప్రవీణ్ సత్తారు దర్శకత్వం వహించిన ఈ చిత్రం తాజాగా విడుదలై మంచి టాక్‌తో దూసుకుపోతుంది. ఈ సినిమాకు ప్రేక్షకులు బ్రహ్మరథం పడుతున్నారు. మరోవైపు ఈ చిత్రంపై ఇప్పటికే పలువురు సినీ ప్రముఖులు ప్రశంసలు కురిపించారు. తాజాగా ఈ చిత్ర బృందానికి దర్శకధీరుడు ఎస్‌.ఎస్‌. రాజమౌళి శుభాకాంక్షలు చెప్పారు. సినిమా సానుకూలమైన స్పందన పొందిందని పేర్కొన్నారు.
ఇక ఈ జాబితాలో సూపర్‌ స్టార్‌ మహేష్ బాబు కూడా చేరాడు. “గొప్ప స్క్రిప్ట్… అద్భుతమైన పర్ఫామెన్సులు… ఓవరాల్ గా గరుడ వేగ స్టన్నింగ్… టీమ్ సభ్యుల కృషి అద్భుతం… రాజశేఖర్ గారికి, డైరెక్టర్ ప్రవీణ్ సత్తారుకు శుభాకాంక్షలు”, అంటూ ట్వీట్ చేశాడు. మహేష్ బాబు ట్వీట్ కు రాజశేఖర్ స్పందించారు. “థాంక్యూ సో మచ్ డియర్ మహేష్… మా కృషిని అభినందించడానికి కొంచెం సమయం కేటాయించినందుకు ధన్యవాదాలు” అంటూ ట్విట్టర్ ద్వారా రిప్లై ఇచ్చారు.
Great script… Good performances… Slick screenplay… #PSVGarudaVega is stunning… Amazing work by the entire team. Take a bow @ActorRajasekhar & director @PraveenSattaru !
— Mahesh Babu (@urstrulyMahesh) November 11, 2017
