సూపర్ స్టార్ మహేశ్ బాబు ప్రస్తుతం మహర్షి సినిమాలో బిజీగా ఉన్న సంగతి తెలిసిందే. వంశీ పైడిపల్లి తెరకెక్కిస్తున్న ఈచిత్రంలో మహేశ్ సరసన పూజా హెగ్డె హీరోయిన్ గా నటిస్తుంది. ప్రముఖ నిర్మాత దిల్ రాజు, అశ్వినిదత్ లు నిర్మిస్తున్న ఈచిత్రానికి దేవి శ్రీ ప్రసాద్ సంగీతం అందిస్తున్నారు. అల్లరి నరేష్ ఈచిత్రంలో కీలకపాత్రలో కనిపించనున్నాడు. తాజాగా ఈచిత్రం షూటింగ్ ను పూర్తి చేసుకుంది. చైన్నైలో జరిగిన చివరి షెడ్యూల్ లో గుమ్మడికాయ కొట్టేశారు. ఈవిషయాన్ని స్వయంగా మహేశ్ సతీమణి నమ్రతా శిరోద్కర్ సోషల్ మీడియా ద్వారా వెల్లడించారు.
“సినిమా షూటింగ్ పూర్తయింది. మహర్షి టీమ్ తో.. ఫ్రెండ్స్ తో ఫన్నీగా.. క్విక్ గా చెన్నై లో జరిగిన షెడ్యూల్ ముగిసింది. #ఆన్ లొకేషన్ #మహర్షి” అంటూ కొన్ని ఫోటోలను పోస్ట్ చేశారు నమ్రత. ఈఫోటోస్ లో మహేశ్ తో పాటు దర్శకుడు వంశీ పైడిపల్లి, మహేశ్ బాబుతో పాటు నమ్రత, గౌతమ్, సితార, సంగీత దర్శకుడు దేవి శ్రీ ప్రసాద్, సినిమాటోగ్రాఫర్ కేయూ మోహన్ లు కూడా ఉన్నారు. మొదట ఈచిత్రాన్ని ఎప్రిల్ 25న ప్రేక్షకుల ముందకు రానున్నట్లు చెప్పినా..షూటింగ్ పూర్తి కాకపోవడంతో మే9న విడుదల చేయనున్నట్లు తెలిపారు నిర్మాత దిల్ రాజు. భరత్ అనే నేను సినిమా ఘన విజయం తర్వాత మహేశ్ చేస్తున్న మూవీ కావడంతో ఈచిత్రంపై భారీగా అంచనాలున్నాయి. మహేశ్ కూడా ఈమూవీ విజయం సాధిస్తుందని గట్టి నమ్మకంతో ఉన్నాడు.
