పంజాబ్‌పై లక్నో సూపర్ జెయింట్స్‌ విజయం..

ఐపీఎల్ 15వ సీజన్‌లో భాగంగా పంజాబ్‌ను ఓడించింది లక్నో సూపర్ జెయింట్స్‌. లక్నో విధించిన 154 పరుగుల లక్ష్యంతో బరిలోకి దిగిన పంజాబ్…నిర్ణీత ఓవర్లలో 8 వికెట్లు కొల్పోయి 133 పరుగులు మాత్రమే చేసింది. దీంతో 20 పరుగుల తేడాతో లక్నో గెలుపొందింది.

బెయిర్‌స్టో (28 బంతుల్లో 5 ఫోర్లతో 32), మయాంక్‌ అగర్వాల్‌ (17 బంతుల్లో 2 ఫోర్లు, 2 సిక్సర్లతో 25) మాత్రమే రాణించగా మిగితా బ్యాట్స్‌మెన్ విఫలమయ్యారు. మొహిసిన్‌కు 3, చమీర, కృనాల్‌కు రెండేసి వికెట్లు దక్కాయి.

ఇక అంతకముందు బ్యాటింగ్ చేసిన లక్నో 20 ఓవర్లలో 8 వికెట్లకు 153 పరుగులు చేసింది. డికాక్‌ (37 బంతుల్లో 4 ఫోర్లు, 2 సిక్సర్లతో 46), దీపక్‌ హుడా (28 బంతుల్లో 1 ఫోర్‌, 2 సిక్సర్లతో 34) రాణించారు. రబాడకు నాలుగు, రాహుల్‌ చాహర్‌కు రెండు వికెట్లు దక్కాయి. మ్యాన్‌ ఆఫ్‌ ద మ్యాచ్‌గా కృనాల్‌ పాండ్యా నిలిచాడు.