లో నివసించే ప్రజలు తమ నెలవారీ లోకల్ పాస్ల కోసం ఇకపై నేరుగా వెళ్లాల్సిన అవసరం లేకుండా){kind=link}
టోల్ ప్లాజాలకు 20 కిలోమీటర్ల రేడియస్ (పరిధి)లో నివసించే ప్రజలు తమ నెలవారీ లోకల్ పాస్ల కోసం ఇకపై నేరుగా వెళ్లాల్సిన అవసరం లేకుండా ‘రాజ్మార్గ్యాత్ర’ (RajmargYatra) మొబైల్ యాప్ ద్వారా ఆన్లైన్లోనే దరఖాస్తు చేసుకోవచ్చు. నేషనల్ హైవేస్ అథారిటీ ఆఫ్ ఇండియా (NHAI) తీసుకువచ్చిన ఈ కొత్త సదుపాయం ద్వారా నిత్యం టోల్ ప్లాజాల గుండా ప్రయాణించే స్థానిక వాహనదారులకు ప్రక్రియ చాలా సులభతరం కానుంది.
గతంలో ఉన్న విధానం ప్రకారం టోల్ ప్లాజాకు 20 కిలోమీటర్ల పరిధిలోనే తాము నివసిస్తున్నామని నిరూపించే పత్రాలను పట్టుకుని, స్థానికులు స్వయంగా టోల్ ప్లాజాల వద్దకు వెళ్లి గంటల తరబడి వేచి ఉండి ఈ పాస్లను పొందాల్సి వచ్చేది.NHAI తీసుకువచ్చిన ఈ తాజా నిర్ణయంతో లోకల్ పాస్ పొందే ప్రక్రియ అంతా పూర్తిగా డిజిటల్గా మారింది.
వినియోగదారులు టోల్ ప్లాజా వద్దకు వెళ్లకుండానే యాప్ ద్వారా ఆన్లైన్లో దరఖాస్తు చేసుకుని, అవసరమైన వివరాలు, ఆధారాలను అప్లోడ్ చేసి ప్రక్రియను పూర్తి చేయవచ్చు. ఈ నెలవారీ లోకల్ పాస్ ద్వారా అర్హులైన స్థానిక నివాసితులు ఒక నెల పాటు తమ పరిధిలోని టోల్ ప్లాజా గుండా ఎలాంటి అంతరాయం లేకుండా ప్రయాణించవచ్చు. నిత్యం టోల్ దాటే స్థానిక ప్రజలకు ఇది ఎంతగానో సమయాన్ని ఆదా చేయడంతో పాటు ఎంతో సౌకర్యవంతంగా మారనుంది.
హైవే వినియోగదారులకు సమగ్ర సేవలు అందించే లక్ష్యంతో NHAI ఈ ‘రాజ్మార్గ్యాత్ర’ యాప్ను ఒక డిజిటల్ ప్లాట్ఫారమ్గా అందుబాటులోకి తెచ్చింది. దీని ద్వారా ప్రయాణీకులు టోల్ మరియు హైవే సంబంధిత అనేక సేవలను సులభంగా పొందవచ్చు. ప్రతిసారీ టోల్ రుసుము చెల్లించాల్సిన అవసరం లేకుండా స్థానికులకు ఈ నెలవారీ పాస్ ఒక చౌకైన మరియు సులువైన ప్రత్యామ్నాయంగా పనిచేస్తుంది. సాంకేతికతను ఉపయోగిస్తూ టోల్ సేవలను డిజిటలైజ్ చేయడం, రోడ్డు ప్రయాణికులకు సేవలను వేగవంతం చేయడంలో భాగంగా NHAI ఈ నిర్ణయం తీసుకుంది.
Also Read:ఇరాన్తో చర్చల ప్రసక్తే లేదు:ట్రంప్