గుజరాత్‌లో లైగర్ టీం!

పూరి జగన్నాథ్ దర్శకత్వంలో విజయ్ దేవరకొండ హీరోగా తెరకెక్కుతున్న చిత్రం లైగర్. ఈ చిత్రం ఆగ‌స్టు 25న‌ తెలుగుతో పాటు హిందీ, త‌మిళం, క‌న్న‌డ‌, మ‌ల‌యాళ భాష‌ల్లో విడుద‌ల కానుంది. షెడ్యూల్ ప్ర‌కారం ప్రాంతాల వారీగా ప్రచార కార్య‌క్ర‌మాల్లో పాల్గొంటోంది చిత్రయూనిట్.

లేటెస్ట్ అప్ డేట్ ప్ర‌కారం విజ‌య్ అండ్ లైగ‌ర్ బృందం ఇవాళ సాయంత్రం 5:30 గంట‌ల‌కు అహ్మ‌దాబాద్‌లోని వేద్ ఆర్కెడ్ మాల్‌లోని అభిమానుల‌ను క‌లువ‌నుంది. ఇక రేపు మ‌ధ్యాహ్నం 3 గంట‌ల‌కు వ‌డోదారాలోని పారుల్ యూనివ‌ర్సిటీని సంద‌ర్శించ‌నున్నారు.

ఈ చిత్రాన్ని ధ‌ర్మ ప్రొడ‌క్ష‌న్స్ బ్యాన‌ర్, పూరీ కనెక్ట్స్ బ్యాన‌ర్ల‌పై క‌ర‌ణ్ జోహార్, అపూర్వ మెహ‌తా, పూరీ జ‌గ‌న్నాథ్, ఛార్మీ కౌర్ సంయుక్తంగా తెర‌కెక్కిస్తున్నారు. ర‌మ్య‌కృష్ణ, మైక్ టైస‌న్ కీల‌క పాత్రల్లో న‌టిస్తున్నారు.