మా ఎన్నికల అధికారిగా లాయర్ కృష్ణమోహన్..

అక్టోబర్ 10న మూవీ ఆర్టిస్ట్ అసోసియేషన్‌ ( మా) ఎన్నికలు జరగనున్న సంగతి తెలిసిందే. పోటీలో ప్రకాశ్ రాజ్, మంచు విష్ణు ప్యానల్ ఉండగా ఇప్పటికే ప్యానల్‌ని ప్రకటించి దూసుకుపోతున్నారు ప్రకాశ్‌ రాజ్. ఇక తాజాగా మా ఎన్నికల అధికారిగా అడ్వకేట్‌ కృష్ణమోహన్‌ నియమితులయ్యారు. ఈ మేరకు ఆయన్ను అధికారిగా నియమిస్తున్నట్లు ప్రకటించారు ప్రస్తుత ‘మా’ అధ్యక్షుడు నరేశ్‌.

ఎన్నికల సమయంలో క్రమశిక్షణా సంఘం ఛైర్మన్‌ కృష్ణంరాజు అందుబాటులో ఉండటం లేదు. ఈ నేపథ్యంలోనే పి.శివకృష్ణను నియమిస్తూ నిర్ణయం తీసుకున్నారు నరేష్. అలాగే జీవీ నారాయణరావును అసిస్టెంట్‌ ఎలక్షన్‌ ఆఫీసర్‌గా నియమించారు.