టాలీవుడ్ రౌడీ హీరో విజయ్ దేవరకొండ, స్టార్ హీరోయిన్ సమంత నటిస్తున్న లేటెస్ట్ చిత్రం ‘ఖుషీ’. శివ నిర్వాణ దర్శకత్వంలో తెరకెక్కుతున్న ఈ మూవీ షూటింగ్ బ్యాక్ టు బ్యాక్ షెడ్యూల్స్‌తో బిజీగా దూసుకుపోతోంది. అయితే ఈ సినిమా షూటింగ్ కి సంబంధించి ఓ మీడియో లీక్ అయ్యింది. ఈ వీడియోలో విజయ్ దేవరకొండ- సమంత కుటుంబ సభ్యులతో కలిసి గుడిలో యాగం చేస్తున్నట్లు కనిపించారు. ప్రస్తుతం ఈ వీడియో సోషల్ మీడియాలో బాగా వైరల్ అవుతుంది. అన్నట్టు ఖుషీ నుంచి త్వరలో మరో సాంగ్ కూడా రానుంది. ఇప్పటికే ఈ సినిమా నుంచి ‘నా రోజా నువ్వే’ సూపర్ హిట్ అయింది.
ఈ క్రమంలోనే రెండో పాటను రిలీజ్ చేయనున్నట్లు చిత్రబృందం ఇప్పటికే ప్రకటించింది. ఇదిలా ఉంటే ఈ సినిమా ఆఖ‌రి షెడ్యూల్‌ను శరవేగంగా పూర్తి చేయనున్నారు. ఈ షెడ్యూల్ లోనే ఈ సినిమా క్లైమాక్స్ ను కూడా ఫినిష్ చేయనున్నారు. ఇప్పటికే ఈ సినిమాకు సంబంధించిన మెయిన్ ఎపిసోడ్స్ అన్నింటినీ పూర్తి చేసిన దర్శకుడు శివ నిర్వాణ క్లైమాక్స్‌ను మాత్ర‌మే బ్యాలెన్స్ ఉంచాడు. ఇప్పుడు ఈ క్లైమాక్స్ కోసం ఓ భారీ సెట్ వేస్తున్నార‌ని తెలుస్తోంది.
Also Read:పవార్‌తో మొదలు..పవార్‌తోనే ముగింపు
పైగా ఖుషి సినిమా క్లైమాక్స్‌ను శివ నిర్వాణ చాలా ఇంట్రెస్ట్‌గా ప్లాన్ చేసిన‌ట్లు సమాచారం. ఈ క్లైమాక్స్ లో ఓ స్టార్ హీరో కూడా అతిధి పాత్రలో నటిస్తున్నాడట. మరి ఆ స్టార్ హీరో ఎవరో చూడాలి. కాగా, ఖుషి సినిమా సెప్టెంబ‌ర్ 1న రిలీజ్ కానుంది. ఈ సినిమాను మైత్రీ మూవీ మేక‌ర్స్ నిర్మిస్తోంది. క్రేజీ కాంబినేషన్ కావడంతో.. అంద‌రూ ఈ సినిమా కోసం ఎంత‌గానో వెయిట్ చేస్తున్నారు. మరి ఖుషి అంచనాలను అందుకుంటుందో లేదో చూడాలి.
Our Rowdy @TheDeverakonda drops this video as #Kushi Team wrapping up their last schedule 📽️🎬#VijayDeverakonda #Samantha @ShivaNirvana @HeshamAWMusic @MythriOfficial pic.twitter.com/HkM2SiNbzB
— IVG (@IndianVideoGuru) July 4, 2023
