సైరా తర్వాత మెగాస్టార్ చిరంజీవి…కొరటాల శివ దర్శకత్వంలో సినిమా చేయనున్న సంగతి తెలిసిందే. విజయదశమి సందర్భంగా సినిమా లాంచ్ కాగా త్వరలో టైటిల్‌ని ప్రకటించనున్నారు. నవంబర్‌లో సినిమా రెగ్యులర్ షూటింగ్‌ ప్రారంభంకానుంది. తాజాగా సినిమాకు సంబంధించి మరో ఆసక్తికర అప్ డేట్ వచ్చేసింది. సినిమాలో చిరు గెటప్‌ కొత్తగా ఉండేలా ప్లాన్ చేస్తున్నారట కొరటాల శివ. సినిమాలో హీరోయిజం బాగా పండేలా చూసుకునే కొరటాల ఇప్పటివరకు మనం చూడని మెగాస్టార్‌ని చూపించనున్నారట.
‘జనతాగ్యారేజ్’, ‘భరత్ అనే నేను’ సినిమాలకు పనిచేసిన తిరు ఈ సినిమాకు సినిమాటోగ్రఫీ అందించనున్నారు. దేవాదాయ శాఖ ఏ విధంగా పనిచేస్తుంది….ప్రభుత్వ జోక్యం అనే కాన్సెప్ట్ నేపథ్యంలో ఈ మూవీ తెరకెక్కుతోంది.
మ్యాట్నీ ఎంటర్‌టైన్‌మెంట్స్‌తో కలిసి కొణిదెల ప్రొడక్షన్స్ బ్యానర్‌పై రామ్‌ చరణ్‌ నిర్మిస్తుండగా కొరటాల శివ ఆస్థాన కవి రామజోగయ్య శాస్త్రి పాటలు రాయనున్నారు. త్వరలో నటీనటులు, సాంకేతిక నిపుణుల ఎంపిక జరగనుంది. ఎడిటింగ్ : ఎ.శ్రీకర్ ప్రసాద్, ప్రొడక్షన్ డిజైనర్ : సురేష్ స్రాజన్.
