కాంగ్రెస్‌కు కోనేరు కోనప్ప రాజీనామా

తెలంగాణ కాంగ్రెస్, సీఎం రేవంత్ రెడ్డికి బిగ్ షాక్ తగిలింది. సిర్పూర్ మాజీ ఎమ్మెల్యే కోనేరు కోనప్ప కాంగ్రెస్ పార్టీకి రాజీనామా చేశారు. నిన్నటి వరకు గ్రాడ్యుయేట్ ఎమ్మెల్సీ ఎన్నికల్లో ప్రసన్న హరికృష్ణకు మద్దతుగా ప్రచారం నిర్వహించారు. తాను స్వతంత్రంగా ఉంటానని ఏ పార్టీలో చేరనని తేల్చిచెప్పారు.

గతేడాది సీఎం రేవంత్ రెడ్డి సమక్షంలో కాంగ్రెస్‌లో చేరారు కోనప్ప . 2004లో కాంగ్రెస్ పార్టీ ఆ తర్వాత 2014లో బీఎస్పీ నుండి, 2018 ఎన్నిక‌ల్లో బీఆర్ఎస్(BRS) మ‌ళ్లీ గెలుపొందారు. గత ఎన్నికల్లో కాంగ్రెస్ అభ్యర్థి చేతిలో ఓటమి పాలు అయ్యారు. అనంతరం జరిగిన రాజకీయ పరిణామాల నేపథ్యంలో కాంగ్రెస్‌లో చేరారు. ఏడాది పూర్తికాకముందే ఆ పార్టీకి రాజీనామా చేశారు.

Also Read:LRS పేరుతో రూ.50 వేల కోట్ల దోపిడీకి స్కెచ్!