టాలీవుడ్‌ సూపర్‌ స్టార్ మహేష్‌ బాబు తాజాగా నటిస్తున్న చిత్రం ‘సర్కార్ వారి పాట’. ఈ మూవీ పరశురామ్ డైరెక్షన్‌లో తెరకెక్కుతోంది. త్వరలోనే ఈ సినిమా సెట్స్ మీదకు వెళ్ళబోతున్నది. ప్రస్తుతం సినిమాకు సంబంధించి నటీనటుల్ని ఎంపిక చేసే ప్రాసెస్ మొదలైంది. ఇందులో భాగంగా ఈ చిత్రంలో మహేష్‌కు విలన్‌గా కన్నడ స్టార్ సుదీప్‌ను ఎంపిక చేసినట్లు తెలుస్తోంది. అంతేకాదు సుదీప్‌కు కథ వినిపించగా వెంటనే ఒకే చెప్పాడట. సుదీప్ విలన్‌గా ఎలా యాక్ట్ చేస్తాడో స్పెషల్ గా చెప్పనవసరం లేదు.
ఈ కన్నడ స్టార్ హీరో రాజమౌళి ఈగ సినిమాలో విలన్‌గా కనిపించి మంచి క్రేజ్ అందుకున్నాడు. ఆ తరువాత బాహుబలి, సైరా సినిమాల్లో కూడా స్పెషల్ రోల్స్ చేసి మెప్పించాడు. మొత్తానికి కన్నడ భాషలో ఒక స్టార్ ఇమేజ్ అందుకున్నప్పటికి ఇతర భాషల్లో విలన్స్ రోల్ చేశాడు సుదీప్. దబాంగ్ 3లో కూడా విలన్‌గా నటించిన విషయం తెలిసిందే.
