కిషోర్‌కుమార్‌ పార్దసాని దర్శకత్వంలో పవర్‌స్టార్‌ పవన్‌కళ్యాన్‌ నటిస్తున్న చిత్రం కాటమరాయుడు నూతన సంవత్సరాన్ని పురస్కరించుకుని ఈసినిమా టీజర్‌ విడుదల చేయనున్నట్లు చిత్ర యూనిట్‌ ట్విట్టర్‌ ద్వారా నిన్న వెల్లడించిన సంగతి తెలిసిందే. అలాగే నూతన సంవత్సరం సందర్భంగా బుధవారం ఒక పోస్టర్‌ని కూడా రిలీజ్‌చేశారు అందులో పవర్‌స్టార్‌ పంచెకట్టుతో మాస్‌ని ఆకర్షించేలా ఉన్న ఓ ఫోటోను అభిమానులతో చిత్ర యూనిట్‌ పంచుకుంది.
అయితే తాజాగా ఈరోజు కూడా మరో పోస్టర్‌ కూడా రిలీజ్‌చేశారు ఇందులో పవర్‌స్టార్‌ పంచెకట్టుకుని ఇంట్లో నడుస్తుంటే.. వెనక నుంచి తీసిన పిక్. ఈ పోస్టర్‌ను చూసిన పవన్‌ అభిమానులో నిన్న, ఈరోజు రిలీజ్ చేసిన లుక్స్‌ని చూసి తెగ సంబర పడిపోతున్నారు. పోస్టర్‌లోనే ఇంత బాగుంటే సినిమాలో పవర్‌స్టార్‌ ఇక ఎంత డిఫరెంట్‌ ఉంటాడో అని పవన్‌ అభిమానులు అనుకుంటున్నారు. పోస్టర్‌ని చూసి ఇంత సంబరపడిపోతే టీజర్‌ను చూసి ఇంకా ఎంత సంబరపడిపోతారో పవన్‌ అభిమానులు అని నెటిజన్లు కామెంట్లు విసురుతున్నారు. కాటమరాయుడు సినిమా ఈ ఉగాదికి రిలీజ్ కాబోతున్న విషయం తెలిసిందే.
ఈ సినిమాలో శృతిహాసన్‌ హీరోయిన్‌గా నటిస్తుంది. ఈసినిమాలో శివబాలాజీ, అజయ్‌,కమల్‌ కామరాజు, అలీ,రావు రమేష్‌ తదితరులు ముఖ్యపాత్రలు పోషిస్తున్నారు.నార్త్‌స్టార్‌ ఎంటర్‌టైన్‌మెంట్‌ బ్యానర్‌పై నిర్మిస్తున్న ఈసినిమాకి అనూప్‌రూబెన్స్‌ సంగీతం సమకూరుస్తున్నాడు. తమిళంలో బ్లాక్‌బాస్టర్‌ హిట్‌ అయ్యిన వీరమ్‌ సినిమాని రీమేక్‌గా కాటమరాయుడుని తెరకెక్కిస్తున్నారు. ఈసినిమాలో పవన్‌కళ్యాన్‌ డిఫరెంట్‌ జోన్‌లలో కనబడనున్నాడు.
