ఆర్ఎక్స్ 100 మూవీ తర్వాత హీరో కార్తికేయ నటిస్తున్న చిత్రం హిప్పి. ఈచిత్రానికి క్రిష్ణ దర్శకత్వం వహించగా ఎస్ .ధాను నిర్మిస్తున్నారు. కార్తికేయ, దిగంగన సూర్యవంశీ, జజ్బా సింగ్ హీరో హీరోయిన్లుగా నటించగా.. నివాస్ కె ప్రసన్న సంగీతం సమకూర్చారు. ఇక ఈసినిమా జూన్ 7న ప్రపంచవ్యాప్తంగా విడుదల కానుండటంతో ప్రమోషన్స్ లో బిజీగా ఉన్నారు చిత్రయూనిట్.
అయితే ఈసినిమాలో చాలా లిప్ లాక్ సీన్లు ఉన్నా మరో ప్రమోషన్ వీడియో మాత్రం సోషల్ మీడియాలో వైరల్గా మారింది. ఈసినిమాలో జేడీ చక్రవర్తి ముఖ్య పాత్రలో నటించిన సంగతి తెలిసిందే. ఇటివలే ఓ ఇంటర్యూలో పాల్గోన్నారు హీరో కార్తీకేయ, జేడీ చక్రవర్తి. అయితే ఇంటర్వూ ముగిసిన తర్వాత హిప్పి అంటే ఏమిటి అని అడిగారు యాంకర్.
దీంతో వెంటనే తన షర్ట్ ని విప్పేసి బాడీ చూపిస్తూ ఇదే హిప్పి అని చెప్పాడు. దీంతో వెంటనే జేడీ చక్రవర్తిని అడగ్గా కార్తికేయ షర్ట్ విప్పడంతో.. జేడీ చక్రవర్తి ప్యాంట్ విప్పి నడుచుకుంటూ వెళ్లాడు. అందరి ముందే జేడీ ప్యాంట్ విప్పడంతో ఈవీడియో సోషల్ మీడియాలో వైరల్ గామారింది. సినిమా ప్రమోషన్ ఏమో కానీ ఇలా అందరి ముందు బట్టలు విప్పడం ఏంటని నెటిజన్లు కామెంట్లు చేస్తున్నారు.
