పురచ్చితలైవి అమ్మ జయలలిత జీవిత చరిత్ర ఆధారంగా మూడు నాలుగు బయోపిక్ లు తెరకెక్కుతున్న సంగతి తెలిసిందే. వీటిలో మొదటగా దర్శకుడు ఏఎల్ విజయ్ ఐరన్ లేడీ పేరుతో సినిమాను ప్రేక్షకుల ముందుకు తీసుకురానున్నారు. బాహుబలి కథా రచయిత కేవీ విజయేంద్ర ప్రసాద్ కథను అందిస్తుండగా వైబ్రి మీడియా బ్యానర్‌లో విష్ణు వర్థన్ ఇందూరి నిర్మిస్తున్నారు.
తాజాగా ఈ సినిమాకు సంబంధించి మరో ఆసక్తికర అప్ డేట్ వచ్చేసింది. మణికర్ణిక సినిమాతో దర్శకురాలిగా మారిన బాలీవుడ్ క్వీన్ కంగనా..జయలలిత బయోపిక్‌లో నటించనుందని వార్తలు వెలువడుతున్నాయి. జయ బయోపిక్ హిందీ వర్షన్‌లో కంగనా నటించనుందట. హిందీ వర్షన్‌లో అమ్మ పాత్ర కోసం అనేకమంది పేర్లను పరిశీలించగా కంగనా పేరును ఫైనల్ చేశారట.
అమ్మ బయోపిక్ ను అద్భుతంగా తెరకెక్కించేందుకు ప్లాన్ చేస్తున్న చిత్రయూనిట్‌ త్వరలోనే ప్రేక్షకుల ముందుకు తీసుకువచ్చేందుకు సన్నాహాలు చేస్తున్నారు. అమ్మ బయోపిక్ లో క్వీన్ కంగనా ఎలా సెట్ అవుతుందో చూడాలి.
తమిళ రాజకీయాల్లో తనకంటూ ఓ ప్రత్యేక గుర్తింపు తెచ్చకున్న మహానాయకురాలు అమ్మ జయలలిత.ఎంజీఆర్,కరుణానిధి తర్వాత అంతటి ఇమేజ్ సంపాదించుకున్న జయ…అమ్మగా ప్రజల్లో చెరగని స్ధానాన్ని సంపాదించుకున్నారు. సంక్షేమ పథకాల ద్వారా ప్రజలకు మరింతగా చేరువైన జయలలిత దశాబ్దాల పాటు తమిళరాజకీయాలను శాసించింది. ఈ నేపథ్యంలో జయలలిత జీవిత చరిత్ర ఆధారంగా తెరకెక్కుతున్న సినిమాల కోసం అందరూ ఆసక్తిగా ఎదురుచూస్తున్నారు.
