వివాదాల రాణి అందాల మందారం కంగనా రనౌత్ ఏం మాట్లాడినా సంచలనమే అన్నట్టు ఉంటాయి ఆమె కామెంట్స్. తాజాగా కంగనా రనౌత్ మళ్లీ షాకింగ్ కామెంట్స్ చేసింది. కెమెరా ముందైనా, వెనకైనా తాను ఒకే విధంగా ఉంటానని కంగనా రనౌత్ చెబుతుంది. సినిమా వాళ్లలో కొందరికి వ్యక్తిత్వం ఉండదు. వారి నిజస్వరూపాలు బయటపడినప్పుడు సమాజంలో వారికి ఉన్న గౌరవం పోతుంది. పైగా వారి పై ప్రజలు దాడి చేయడానికి కూడా వెనుకాడరు. ఎందుకంటే.. వారి పర్సనల్ విషయాలు, జీవితాలు నీచం’ అంటూ కంగనా రనౌత్ షాకింగ్ కామెంట్స్ చేసింది.
పనిలో పనిగా కంగనా రనౌత్ తన గురించీ కూడా నాలుగు ముక్కలు మాట్లాడింది. కొందరు సినిమా వాళ్లలా తనకు కెమెరాల ముందు నటించడం రాదని, అలాగే అవసరాలు కోసం, సినిమాల కోసం చేయకూడని పనులు చేయడం తనకు నచ్చదు అని కంగనా రనౌత్ చెప్పుకొచ్చింది. ఇటీవల కంగనా రనౌత్ ఓ ఇంటర్వ్యూ లో మాట్లాడుతూ బాలీవుడ్ హీరోల ఆధిపత్యం పై ఆగ్రహం వ్యక్తం చేసింది. దీంతో సల్మాన్, షారుఖ్, అమీర్ అభిమానులు సోషల్ మీడియాలో కంగనా రనౌత్ ను విపరీతంగా ట్రోల్ చేశారు. పలువురు సినీ సెలబ్రిటీలు కూడా కంగనా రనౌత్ పై విమర్శలు చేశారు.
ఆ విమర్శలను దృష్టిలో పెట్టుకునే కంగనా రనౌత్ పైవిధంగా కామెంట్స్ చేసింది. ఏది ఏమైనా కంగనా రనౌత్ మాటలే కాదు, ఆమె చేష్టలు కూడా సంచలనమే. ఇక సినిమాల విషయానికి వస్తే.. చంద్రముఖి – 2 లో జ్యోతిక పాత్రలో బాలీవుడ్ నటి కంగనా రనౌత్ నటిస్తోంది. ఇక సూపర్‌స్టార్ రజనీ స్థానంలో హీరోగా లారెన్స్ నటిస్తున్నాడు. పి.వాసు డైరెక్షన్ లో ఈ సినిమా రాబోతుంది. అలాగే ఇందిరా గాంధీగా ‘ఎమర్జెన్సీ’ చిత్రంలో నటిస్తుంది.
ఇవి కూడా చదవండి…
