ఫిదా సినిమాలో భానుమతిగా న‌టించిన సాయిపల్లవి తెలుగు ప్రేక్షకుల్ని నిజంగానే ఫిదా చేసింది. తెలంగాణ అమ్మాయిగా ఆమె నటనకు విమర్శకుల ప్రశంసలు లభించాయి. తెలుగు రాష్ట్రాలతోపాటు ఓవర్సీస్‌లోనూ ఆ మూవీ భారీ కలెక్షన్లు రాబట్టింది. తర్వాత నానితో కలిసి మిడిల్ క్లాస్ అబ్బాయి సినిమాతో అలరించిన సాయిపల్లవి తాజాగా నాగశౌర్యతో కణం మూవీతో ప్రేక్షకుల ముందుకువస్తోంది.
ఇటీవలె సెన్సార్ పూర్తి చేసుకున్న ఈ చిత్రం సెన్సార్ ఫార్మాలిటిస్‌ని పూర్తిచేసుకుంది. కట్స్ ఏమీ లేకుండా ఈ చిత్రానికి U/A సర్టిఫికేట్ ను ఇచ్చినట్టు తెలుస్తోంది. తమిళ దర్శకుడు ఏఎల్ విజయ్ దర్శకత్వం వహించిన ఈ చిత్రాన్ని ఈ నెల 23న విడుదల చేయనున్నారు. ద్విభాషా చిత్రంగా తెరకెక్కుతున్న ఈ సినిమాకు ఎ.ఎల్. విజయ్ దర్శకత్వం వహిస్తున్నాడు. లైకా ప్రొడక్షన్‌ నిర్మిస్తోంది.
ఇటీవల విడుదల చేసిన ట్రైలర్ అందరిని ఆకట్టుకుంది. వీరిద్దరి పెళ్లి సీన్‌తో ట్రైలర్ మొద‌ల‌వుతుంది. కృష్ణ నేను చెప్పేది వింటే నీకు ఆశ్చర్యంగా ఉండొచ్చు. నువ్వు నమ్మలేకపోవచ్చు. కానీ అది నిజం.. నువ్వు అన్ని మర్చిపోగలవేమో కానీ నేను మర్చిపోలేను’ అంటూ సాయిపల్లవి త‌న సొంత గొంతుతో డైలాగ్స్ చెప్పింది. ఎవరో హత్యకు గురి కావడం, హంతకుడి కోసం పోలీసులు గాలింపు, క్షుద్ర పూజలు చేయడం.. తదితర సన్నివేశాలతో విడుద‌లైన ట్రైలర్‌తో సినిమాపై అంచనాలు పెరిగిపోయాయి.
