డైరెక్టర్‌ బాలచందర్‌తో నేను 36 సినిమాలు చేశాను. అదే నా పీహెచ్‌డీ అన్నారు యూనివర్సల్ హీరో కమల్ హాసన్. కమల్ నటించిన ‘విక్రమ్ మూవీ ప్రీ రిలీజ్ వేడుక గత రాత్రి హైదరాబాద్ శిల్ప‌క‌ళావేదిక‌లో అభిమానులు, శ్రేయోభిలాషుల స‌మ‌క్షంలో ఘ‌నంగా జ‌రిగింది. ఈ ఈవెంట్‌లో హీరో కమల్హాసన్ మాట్లాడుతూ- దాదాపు 45 ఏళ్ల క్రితం ఏయన్నార్‌ ‘శ్రీమంతుడు’ సినిమాకు డ్యాన్స్‌ అసిస్టెంట్‌ గా హైదరాబాద్ వచ్చాను. అప్పట్నుంచి నేను తెలుగు ఫుడ్‌ తింటున్నాను. తెలుగులో నాకు ప్రేక్షకులు బిగ్గెస్ట్ హిట్ ఇచ్చారు. నేను ఇది ఒంట‌రిగా చేసింది కాదు. నా కుటుంబం ప్రోత్సాహంతో ద‌ర్శ‌కుడుని అయ్యాను. మిగిలిన క్రాఫ్ట్‌ ను చేశాను. డైరెక్టర్‌ బాలచందర్‌తో నేను 36 సినిమాలు చేశాను. అదే నా పీహెచ్‌డీ అన్నారు. ఆయన నుంచి నేను చాలా నేర్చుకున్నాను. నా స్టైల్, రజనీకాంత్‌ స్టైల్ ఆయన్నుంచే వచ్చాయ అని కమల్ తెలిపారు.
విక్రమ్ సినిమా హిట్ మీ (ప్రేక్షకులు) చేతుల్లోనే ఉంది. డైరెక్టర్‌ లోకేశ్‌ నాలాగే (బ్యాక్‌ గ్రౌండ్‌ లేకుండా) ఇండస్ట్రీలోకి వచ్చారు. ఇలాంటివారిని నేను మరింత గౌరవిస్తాను. ఇండియన్‌ ఫిల్మ్స్‌… పాన్‌ ఇండియా చాలదు.. పాన్‌ వరల్డ్‌. అది ప్రేక్షకులు సహకారం లేకుండా జరగదు. మంచి సినిమాలు ఇవ్వండని మీరు డిమాండ్‌ చేయాలి. ఇవ్వడానికి మేం సిద్ధంగా ఉన్నాం. నేను మంచి సినిమాకు అభిమానిని. మీరు కూడా అలాగే వుండాల‌నేది నా కోరిక. ఇది యాక్షన్ ప్యాక్డ్ సినిమా. అందులో ఎవ‌రికీ ఎటువంటి ఇబ్బంది క‌లుగకుండా చేశాం. అది ఫస్ట్ ఎచీవ్‌మెంట్ దర్శకుడు, యాక్షన్ మాస్ట‌ర్ వ‌ల్లే సాధ్య ప‌డింది. మా సెట్లో ఒక ప్ర‌మాదం జ‌రిగింది. కానీ అలా జ‌ర‌గాల్సిందికాదు. ఈ సినిమాను రాత్రి, ప‌గ‌లు క‌ష్ట‌ప‌డి చేశాం. దుబాయ్‌, చెన్నై టూర్ వెళుతున్నాను. సినిమా సక్సెస్ చేశాక మ‌ర‌లా వ‌చ్చేలా మీరే చేయాల‌ని కమల్ అన్నారు.
యూనివర్సల్ హీరో కమల్ హాసన్, సక్సెస్ ఫుల్ దర్శకుడు లోకేష్ కనగరాజ్ కాంబినేషన్‌లో తెరకెక్కిన భారీ యాక్షన్ థ్రిల్లర్ ‘విక్రమ్’. కమల్ హాసన్ తో పాటు విజయ్ సేతుపతి, ఫహద్ ఫాసిల్ ప్రధాన పాత్రలలో రూపొందిన ఈ ప్రతిష్టాత్మక చిత్రం ట్రైలర్ ఇటివలే విడుదలై సినిమాపై భారీ అంచనాలు పెంచేసింది. అనిరుధ్ రవిచందర్ సంగీతం స‌మ‌కూర్చారు. జూన్ 3న విడుద‌ల‌కానున్న’విక్రమ్ రిలీజ్ కానుంది.
