అందాల చందమామ కాజల్ అగర్వాల్‌ టాలెంటెడ్ డైరెక్టర్ ప్రవీణ్ సత్తారు దర్శకత్వంలో ఓ సినిమాను చేస్తోన్న సంగతి తెలిసిందే. ఈ సినిమాలో హీరోగా నాగార్జున చేస్తున్నారు. కాగా ఈ సినిమాలో కాజల్ రోల్ సరికొత్తగా ఉండనుందని తెలుస్తోంది. కాజల్ ఒక ‘రా ఆఫీసర్’గా కనిపించనుందట. ఇక మరోవైపు నాగార్జున ఎక్స్ రా-ఏజెంట్ గా కనిపిస్తాడని అంటున్నారు. ఇక్కడ మరో విషయం ఏంటంటే కథలో భాగంగా కొన్ని కీలక సన్నివేశాల్లో కాజల్ వేశ్యగా కనిపించనుందని టాక్ నడుస్తోంది.
కాజల్ వేశ్యగా నటిస్తూ.. తీవ్రవాదులను ఆకట్టుకుంటూ వారి రహస్యాలను తెలుసుకునే పాత్రలో కాజల్ కనిపించనుందని అంటున్నారు. ఇక ఈ సినిమా మొత్తం, ఫుల్ యాక్షన్ తో సాగేలా ఉంది. కాజల్ కోసం ప్రత్యేకంగా యాక్షన్ సీక్వెన్స్ కూడా రూపోందించనున్నారట. ఈ మూవీలో స్పై సీన్స్, వేశ్య సీన్స్ ఇలా రెండు రకాల సీన్స్ తో కాజల్ మొత్తానికి మెప్పించనుంది. కాజల్ ఈ సినిమా కోసం ఎంతో ఆసక్తిగా ఎదురుచూస్తోంది. ఇక కాజల్ ప్రస్తుతం తెలుగులో చిరు ఆచార్య సినిమాలోను నటిస్తుంది.
