బండి సంజయ్‌పై కడియం శ్రీహరి ఆగ్రహం..

తెలంగాణ బీజేపీ అధ్యక్షుడు బండి సంజయ్‌పై ఆగ్రహం వ్యక్తం చేశారు మాజీ డిప్యూటీ సీఎం,ఎమ్మెల్సీ కడియం శ్రీహరి. హన్మకొండ చౌరస్తాలో కడియం ఫౌండేషన్ ఆధ్వర్యంలో చర్మకారులకు నిత్యావసర సరుకులను పంపిణీ చేశారు.

ఈ సందర్భంగా మాట్లాడిన కడియం…బండి సంజయ్‌ది రాజకీయ డ్రామా అని ధ్వజమెత్తారు. రైతులకు ఇబ్బందులు లేకుండా ప్రతి గింజా కొనుగోలు చేస్తున్నామని …గిట్టుబాటు ధర కోసం బండి సంజయ్ ప్రధాని ఇంటి ముందు దీక్షచేయాలని హితవు పలికారు.

కరోనా కట్టడిలో సీఎం కేసీఆర్‌ దేశానికే ఆదర్శంగా నిలిచారని….సీఎం కేసీఆర్‌ విధానాలనే కేంద్రం అమలు చేస్తోందని చెప్పారు. దేశంలో ఎక్కడా లేని విధంగా సీఎం కేసీఆర్‌ పేదలను ఆదుకుంటున్నారని పేర్కొన్నారు.