జూ.ఎన్టీఆర్ తన ఫ్యాన్స్‌కి సర్ప్రైజ్ ఇవ్వడానికి రెడీ అయిపోతున్నాడు. ప్రస్తుతం ఈ యంగ్ టైగర్ బాబి డైరెక్షన్‌లో జై లవకుశ చిత్రంలో నటిస్తున్న సంగతి తెలిసిందే. అయితే ఇటీవలే శ్రీరామ నవమి సందర్భంగా తన సినిమా పోస్టర్‌ను విడుదల చేయడంతో పాటు సినిమా టైటిల్‌నూ కన్ఫార్మ్ చేశాడు ఎన్టీఆర్. దీంతో ఫ్యాన్స్‌కి తెగ సంబరపడిపోయారు.
ఇదిలా ఉంటే..తాజాగా నందమూరి అభిమానులకు మరో గిఫ్ట్‌ ఇచ్చేందుకు రెడీ అయిపోయాడు జూనియర్ ఎన్టీఆర్. జై లవకుశలోని తారక్ ఫస్ట్‌లుక్‌ను విడుదల చేయబోతున్నట్టు ఫిల్మ్‌నగర్ వర్గాల టాక్. ఇక మే 20వ తేదీ ఈ యంగ్ టైగర్ పుట్టిన రోజు సందర్భంగా అభిమానులను సర్ప్రైజ్ చేసేందుకు తారక్ ట్రై చేస్తున్నట్లు తెలుస్తోంది. అందుకే జైలవకుశలో ఎన్టీఆర్ ఫస్ట్‌లుక్‌ను విడుదల చేయాలని చిత్ర యూనిట్ నిర్ణయించిందని సమాచారం.
అంతేకాకుండా అదే రోజున ఫస్ట్‌లుక్‌ తో పాటు సినిమా టీజర్‌ను కూడా విడుదల చేయబోతోంది చిత్ర యూనిట్. ఇక హాలీవుడ్ మేకప్ మేన్.. వాన్సీ హార్ట్‌వెల్‌తో పనిచేయిస్తున్న బాబి.. ఆ ఫస్ట్‌లుక్‌తోనే సినిలవర్స్‌ కి సర్ప్రైజ్ ఇవ్వాలనుకుంటున్నాడట.
ఇదిలాఉంటే కల్యాణ్ రామ్ ఈ సినిమాను ఎక్కడా కాంప్రమైజ్ కాకుండా నిర్మిస్తుండడం విశేషం. దేవిశ్రీ ప్రసాద్ మ్యూజిక్ అందిస్తున్న ఈ సినిమాలో రాశీ ఖన్నా, నివేదా థామస్‌లు హీరోయిన్లుగా ఎంపికైన సంగతి తెలిసిందే. మరి ఫస్ట్‌లుక్‌తో సిని లవర్స్ తో పాటు..ఫ్యాన్స్‌ ని ఏ మేరకు ఈ యంగ్ టైగర్ ఇంప్రెస్ చేస్తాడా చూడాలి.
