నా హీరో మీరే:బాలయ్యకు ఎన్టీఆర్ విషెస్

నటసింహం నందమూరి బాలకృష్ణ 60వ బర్త్‌డే సందర్భంగా సినీ,రాజకీయ ప్రముఖులు పెద్ద ఎత్తున శుభాకాంక్షలు తెలియజేస్తున్నారు. తాజాగా బాలయ్యకు స్పెషల్ బర్త్ డే విషెస్ తెలిపారు ఎన్టీఆర్,కళ్యాణ్ రామ్.

నాలోని అభిమానిని తట్టి లేపింది మీరే..నాకు ఊహ తెలిశాక చూసిన మొట్టమొదటి హీరో మీరే అంటూ బాలయ్యపై ప్రశంసలు గుప్పించారు ఎన్టీఆర్. ఈ 60వ పుట్టినరోజు మీ జీవితంలో మరపురానిది కావాలని, మీరు ఆయురారోగ్యాలతో సంతోషం గా ఉండాలని జై బాలయ్య అని పోస్ట్ చేశారు తారక్‌.

మీరు ఎందరికో బాలయ్య..నాకు మాత్రం తండ్రి తరువాత తండ్రి స్థానంలో ఉండే బాబాయ్ అంటూ బర్త్ డే విషెస్ తెలిపారు కళ్యాణ్ రామ్. మీ ఆదర్శంతోనే సినిమాల్లోకి వచ్చాను,మీ స్ఫూర్తి తో నే కొనసాగుతున్నాను….60వ బర్త్‌డే శుభాకాంక్షలు బాబాయి అని విష్ చేశారు కళ్యాణ్ రామ్.