జూనియర్‌ ఎన్టీఆర్‌, ఆయన అన్న కల్యాణ్‌ రామ్ ల మద్య అన్నదమ్ముల అనుబంధం చూడముచ్చటగా ఉంది. ఈ ఇద్దరు అన్నదమ్ములు ఇప్పుడు ఎక్కడ చూసినా చాలా సరదాగా కనిపిస్తున్నారు. ఎంతలా అంటే ఒకరి బర్త్ డే వేడుకలను మరోకరు జరిపించడం, ఇద్దరు కలిసి పార్టీలు, ఫంక్షన్‌లకు వెళ్లడం వంటివి మనకు నిత్యం కనిపిస్తూనే ఉన్నాయి.
ఆ మధ్య ఎన్టీఆర్‌ బర్త్ డేను కల్యాణ్‌ రామ్ సెలెబ్రేట్‌ చేయగా తాజాగా కల్యాణ్‌ రామ్ బర్త్ డేను జూనియర్‌ ఎన్టీఆర్‌ గ్రాండ్‌గా సెలెబ్రిటీ చేశాడు. ఎన్టీఆరే స్వయంగా కేక్‌ కట్‌ చేసి తన అన్నయ్య కల్యాణ్‌ రామ్‌కు కేక్‌ తినిపించాడు. క‌ళ్యాణ్ రామ్ బర్త్ డేకి సంబంధించిన ఫోటోలు ప్రస్తుతం వైర‌ల్‌గా మారాయి. ఈ ఫోటోల్లో కల్యాణ్‌ రామ్ పెద్దకొడుకు అభయ్ రామ్ కూడా కనిపిస్తున్నాడు. కల్యాణ్‌ రామ్ అభయ్ ను ఎత్తుకుని ఉన్నాడు.
ప్రస్తుతం కల్యాణ్‌ రామ్ తన 16వ సినిమాకు సిద్ధం కాబోతున్నారు. ఈ సినిమాలో నివేదా థామ‌స్‌, షాలిని పాండే క‌థానాయిక‌లుగా న‌టించనున్నారు. ఈ సినిమాకు కే.వి గుహన్ దర్శకత్వం వహించనున్నారు. ఇక జూనియర్‌ ఎన్టీఆర్‌ తన తదుపరి చిత్రం త్రివిక్రమ్‌ శ్రీనివాస్‌ సినిమాలో తెరకెక్కుతున్న అరవింద సమేత చిత్రంలో నటిస్తున్న సంగతి తెలిసిందే. ఈ సినిమా దసరా కానుకగా ప్రేక్షకుల ముందుకు రాబోతోంది.
