నూతన సంవ‌త్స‌రం సంద‌ర్భంగా తమ వినియోగ‌దారుల‌కు బంప‌ర్ ఆఫర్ ను ప్ర‌క‌టించింది జియో సంస్ధ. వంద శాతం క్యాష్ బ్యాక్ ఆఫర్ తో వినియోగ‌దారుల‌ను ఆక‌ట్టుకుంటోంది. రూ.399 రీఛార్జ్ చేసుకునే వినియోగదారులు వందశాతం క్యాష్ బ్యాక్ పొందనున్నారు. ఈ క్యాష్ బ్యాక్ కూపన్ ల రూపంలో లభించనుంది. అయితే మూడు రోజుల క్రితం ప్ర‌క‌టించిన ఈ ఆఫర్ నేటితో ముగియ‌నుందని ప్ర‌క‌టించారు. అయితే ఈ క్యాష్‌బ్యాక్ ఎజియో (AJIO) కూపన్ రూపంలో అందుబాటులో ఉంటుంది.
ఎజియో ఆఫర్లకు తోడుగా ఈ కూపన్‌ను కూడా వాడుకోవచ్చు. కస్టమర్లు మైజియో యాప్‌లో తమ జియో నంబర్‌కు రూ.399తో రీచార్జ్ చేయిస్తే రిలయెన్స్ వెంటనే రూ.399 కూపన్‌ను మైకూపన్స్ సెక్షన్‌కు యాడ్ చేస్తుంది.ఈ కూపన్‌ను ఎజియో యాప్ లేదా వెబ్‌సైట్‌లో వాడుకోవచ్చు. కనీసం రూ.వెయ్యి కొనుగోలుపై ఈ కూపన్‌ను వాడుకునే వీలుంటుంది. ఈ ఆఫర్ కొత్త, పాత కస్టమర్లు అందరికీ వర్తిస్తుంది. మార్చి 15 తేదీ వరకు మాత్రమే కూపన్ లని రిడీమ్ చేసుకోవాల్సి ఉంటుంది.
