చినజీయర్ స్వామి ఆశిస్సులు తీసుకున్న ఎంపీ సంతోష్‌..

సోమవారం ప్రముఖ ఆధ్మాత్మిక గురువు, శ్రీశ్రీశ్రీ త్రిదండి చినజీయర్ స్వామి వారి తిరు నక్షత్ర మహోత్సవం(64వ జయంతి వేడుకలు) హైదరాబాద్‌లోని శంషాబాద్‌లో జరిగాయి. ఈ కార్యక్రమంలో  తెలంగాణ సీఎం కేసీఆర్ కుటుంబ సమేతంగా హాజరైయ్యారు.

ఆయనతో పాటు ఆర్థిక మంత్రి హరీశ్ రావు,రాజ్యసభ సభ్యులు జోగినిపల్లి సంతోష్ కుమార్, మైహోం అధినేత జూపల్లి రామేశ్వర రావు తదితరులు పాల్గొన్నారు. ఈ సందర్భంగా ముఖ్యమంత్రి కేసీఆర్ దంపతులు, రాజ్యసభ సభ్యులు జోగినిపల్లి సంతోష్ కుమార్ చినజీయర్ స్వామి ఆశిస్సులు తీసుకున్నారు.

అలాగే కమలానంద భారతి స్వామి, విశ్వేశ తీర్థ స్వామి, విజయానంద స్వామి, శఠగోప రామనుజ పెరియర్ జీయర్ స్వామి, మైసూర్ అవదూతా దత్తపీఠాధిపతి సచిదానంద స్వామి, దత్త విజయానంద స్వామి పలువురు ప్రముఖులు పాల్గొన్నారు.