సినిమా ఇండస్ట్రీలో ఏ చిత్రం ఎప్పుడు ఎలాంటి రికార్డులు క్రియేట్ చేస్తుందో ఊహించడం చాలా కష్టం. థియేటర్లలో విడుదలైనప్పుడు బాక్సాఫీస్ వద్ద ఘోరంగా ఫ్లాప్ అయిన కొన్ని సినిమాలు.. ఆ తర్వాత శాటిలైట్ (టెలివిజన్) లేదా డిజిటల్ ప్లాట్ఫారమ్లలోకి వచ్చాక అనూహ్యమైన ఆదరణ దక్కించుకుంటూ ఉంటాయి. ఇప్పుడు సరిగ్గా అలాంటి అరుదైన రికార్డునే సొంతం చేసుకుంది ఒక టాలీవుడ్ సినిమా. థియేటర్లలో ప్రేక్షకులను ఆకట్టుకోవడంలో విఫలమైన జయ జానకి నాయక ఇప్పుడు యూట్యూబ్లో ఏకంగా 1 బిలియన్ (100 కోట్ల) వ్యూస్ సాధించి సరికొత్త చరిత్ర సృష్టించింది.
భారీ అంచనాల మధ్య థియేటర్లలోకి వచ్చిన ఈ తెలుగు యాక్షన్ డ్రామా, విడుదలై నెగెటివ్ టాక్ను సొంతం చేసుకుంది. డిస్ట్రిబ్యూటర్లకు భారీ నష్టాలను మిగిల్చి బాక్సాఫీస్ వద్ద డిజాస్టర్గా నిలిచింది. అయితే, ఈ సినిమా హిందీ డబ్బింగ్ వెర్షన్ను యూట్యూబ్లో విడుదల చేసిన తర్వాత ఊహించని మలుపు తిరిగింది.
ఉత్తరాది (నార్త్ ఇండియా) ప్రేక్షకులు ఈ చిత్రంలోని యాక్షన్ ఎపిసోడ్స్, మాస్ ఎలిమెంట్స్ మరియు సాంగ్స్కు బ్రహ్మరథం పట్టారు. నిరంతరాయంగా వస్తున్న వ్యూస్తో దూసుకుపోతూ, తాజాగా యూట్యూబ్లో 1 బిలియన్ వ్యూస్ మార్కును దాటిన అతికొద్ది భారతీయ చిత్రాల క్లబ్లో చేరిపోయింది.
Also Read:చర్చలకు పిలిచి..పారిపోతారా?:కేటీఆర్
గత కొన్నేళ్లుగా టాలీవుడ్కు చెందిన కమర్షియల్, యాక్షన్ సినిమాలు హిందీ డబ్బింగ్ రూపంలో యూట్యూబ్లో సంచలనాలు సృష్టిస్తున్నాయి. థియేటర్లలో ఆడని సినిమాలు సైతం యూట్యూబ్లో మిలియన్ల కొద్దీ వ్యూస్ సాధిస్తూ సదరు హీరోలకు నార్త్ ఇండియాలో విపరీతమైన క్రేజ్ తెచ్చిపెడుతున్నాయి. ఇప్పుడు ఈ సినిమా సాధించిన 1 బిలియన్ వ్యూస్ రికార్డ్.. టాలీవుడ్ మాస్ సినిమాలకు హిందీ బెల్ట్లో ఉన్న తిరుగులేని ఆదరణకు మరో నిదర్శనంగా నిలిచింది.