ప్రపంచవ్యాప్తంగా రజనీ అభిమానులు జైలర్ ఎప్పుడు విడుదల అవుతుందా అని ఎదురుచూస్తున్నారు. నెల్సన్ కుమార్ దర్శకత్వం వహిస్తున్న ఈ సినిమా ప్రస్తుతం షూటింగ్ శరవేగంగా కొనసాగుతుంది. సన్ పిక్చర్స్ బ్యానర్‌లో కళానిధి మారన్‌ అత్యంత భారీ బడ్జెట్‌తో నిర్మిస్తున్న ఈ సినిమా… ఎలాంటి అప్డేట్ వచ్చినా క్షణాల్లో వైరల్ అవుతుంది. అయితే తాజాగా జైలర్ నుంచి అప్డేట్ వచ్చేసింది.
ఈ సినిమా షూటింగ్‌లో బాలీవుడ్ నటుడు జాకీష్రాఫ్ పాల్గొన్నట్టు చిత్ర బృందం పోస్టర్‌ను విడుదల చేసింది. అయితే ఈ సినిమాలో జాకీష్రాఫ్ కీలకపాత్ర పోషిస్తున్నారు. దాదాపుగా 36యేళ్ల తర్వాత రజనీ జాకీ కలిసి నటించబోతున్న సినిమా ఈ జైలర్ అని కోలీవుడ్‌లో టాక్. ఈ సినిమాలో రజనీ ముథువేల్ పాండ్యన్‌గా కనిపించబోతున్నారు. తమన్నా హీరోయిన్‌గా నటిస్తున్న ఈ సినిమాలో శివరాజ్‌కుమార్‌, మోహన్‌లాల్‌, సునీల్, రమ్యకృష్ణ, యోగిబాబు, వసంత రవి, వినాయకన్, ప్రియాంకమోహన్ తదితర స్టార్‌లు నటిస్తున్నారు.
ఇవి కూడా చదవండి…
