భారతీయ అంతరిక్ష పరిశోధనా సంస్థ (ఇస్రో) మరో ప్రయోగాన్ని విజయంతంగా చేపట్టింది. ఇస్రో చేపట్టిన జీఎస్‌ఎల్వీ మార్క్‌-3 రాకెట్ ప్రయోగం విజయవంతమైంది.
రుపతి జిల్లా షార్‌ లోని రెండో ల్యాంచ్‌పాడ్‌ నుంచి ఆదివారం ఉదయం 9 గంటలకు ఎల్‌వీఎం-3 రాకెట్ నిప్పులు చిమ్ముతూ ఆకాశంలోకి దూసుకెళ్లింది. 20 నిమిషాలపాటు ప్రయాణించి భూమికి 450 కిలోమీటర్ల ఎత్తులోని లియో ఆర్బిట్‌లో ఉపగ్రహాలను ప్రవేశపెట్టింది.
ఈ సందర్భంగా ఇస్రో చైర్మన్‌ ఎస్‌ సోమనాథ్‌ శాస్త్రవేత్తలను అభినందించారు. మార్క్‌-3 ప్రయోగాన్ని విజయవంతంగా పూర్తిచేశామన్నారు. వాణిజ్య ప్రయోగాలకు ఇస్రో ముందంజలో ఉందని చెప్పారు. జీఎస్‌ఎల్వీ మార్క్‌-3 రాకెట్‌ను మరింత అభివృద్ధి చేస్తామని వెల్లడించారు.
ఈ రాకెట్ పొడవు 43.5 మీటర్లు, వెడల్పు 4.4 మీటర్లు, బరువు 543 టన్నులు. ఈ ఉపగ్రహ ప్రయోగానికి సంబంధించి వన్‌వెబ్ సంస్థతో న్యూ స్పేస్ ఇండియా లిమిటెడ్ ఒప్పందం కుదుర్చుకుంది. ఈ ఒప్పందం ప్రకారం 72 ఉపగ్రహాల్ని కక్ష్యలోకి ప్రవేశపెట్టాలి. మొదటి దశలో 36 ఉపగ్రహాల్ని గత అక్టోబర్ 23న ప్రయోగించారు. ఆదివారం మరో 36 ఉపగ్రహాల్ని ప్రయోగించారు. ఇస్రో చేపట్టిన రెండో వాణిజ్య ఉపగ్రహ ప్రయోగమిది.
ఇవి కూడా చదవండి..
 మరో ప్రయోగాన్ని విజయంతంగా చేపట్టింది. ఇస్రో చేపట్టిన జీఎస్‌ఎల్వీ మార్క్‌-3 రాకెట్ ప్రయోగం){kind=link}