మధ్యప్రాచ్యంలో పెరుగుతున్న ఉద్రిక్తతల మధ్య ఇరాన్ ప్రభుత్వం సంచలన నిర్ణయం తీసుకుంది. ప్రపంచానికి అత్యంత కీలకమైన సముద్ర మార్గమైన హర్మూజ్ జలసంధి గుండా వెళ్లే నౌకలపై భారీగా రవాణా రుసుము విధిస్తున్నట్లు ప్రకటించింది.
ఇరాన్ తాజా నిర్ణయం ప్రకారం, హర్మూజ్ జలసంధి గుండా ప్రయాణించే ప్రతి నౌక నుంచి సుమారు 2 మిలియన్ డాలర్లు (దాదాపు రూ.18.8 కోట్లు) సుంకంగా వసూలు చేయనుంది. ఈ నిర్ణయం అంతర్జాతీయ వాణిజ్య రంగంలో కలకలం రేపుతోంది.
ప్రపంచ చమురు సరఫరాలో కీలక పాత్ర పోషించే ఈ జలసంధిపై ఇరాన్ ఈ నిర్ణయం తీసుకోవడం వెనుక వ్యూహాత్మక కారణాలు ఉన్నాయని విశ్లేషకులు భావిస్తున్నారు. ఇటీవలి ఉద్రిక్తతలు, ముఖ్యంగా అమెరికా మరియు ఇజ్రాయెల్తో ఉన్న ఘర్షణల నేపథ్యంలో, ఈ చర్యను ఒత్తిడి సాధనంగా ఉపయోగిస్తున్నట్లు చెబుతున్నారు.
హర్మూజ్ జలసంధి ప్రపంచ చమురు రవాణాలో ప్రధాన మార్గం కావడంతో, ఈ భారీ సుంకం ప్రభావం అంతర్జాతీయ మార్కెట్లపై పడే అవకాశం ఉంది. ముఖ్యంగా చమురు ధరలు పెరిగే ప్రమాదం ఉందని నిపుణులు హెచ్చరిస్తున్నారు.ఈ నిర్ణయంతో ప్రపంచ వ్యాప్తంగా నౌకాశ్రయాలు, ఆయిల్ కంపెనీలు, దిగుమతి-ఎగుమతి వ్యాపారులు ఆందోళన వ్యక్తం చేస్తున్నారు. రవాణా ఖర్చులు భారీగా పెరగడం వల్ల సరుకుల ధరలపై కూడా ప్రభావం పడే అవకాశం ఉంది.
Also Read:రోజూ తినే ఈ స్నాక్స్తో మీ ఆరోగ్యం ఖతం!