యంగ్ టైగర్ ఎన్టీఆర్ కొన్ని వారాల క్రితమే తన ఫ్యామిలీతో అమెరికా వెళ్లిన సంగతి తెలిసిందే. RRR తర్వాత, గ్లోబల్ యాక్టర్ గా ఎన్టీఆర్ కి క్రేజ్ పెరిగింది. ఎలాగూ కొరటాల సినిమా షూట్ కి గ్యాప్ ఉండటంతో.. తారక్ తన కుటుంబంతో నాణ్యమైన సమయాన్ని గడపడానికి వెకేషన్ కి వెళ్ళాడు. కాగా ఈ రోజు, తారక్ తన ఇన్‌స్టాగ్రామ్ లో న్యూయార్క్‌లోని జునూన్ అనే ప్రసిద్ధ భారతీయ రెస్టారెంట్ గురించి ఒక మెసేజ్ ను పోస్ట్ చేశాడు.
తారక్ మెసేజ్ చేస్తూ… “అంతర్జాతీయ పర్యటనలో కూడా అత్యుత్తమ భారతీయ ఆహారాన్ని తినొచ్చు. NYC లోని జునూన్ లో మంచి రుచి ఉంది. అమేజింగ్!” అని ఒక మెసేజ్ పోస్ట్ చేశాడు. ఈ క్రమంలో తారక్ రెస్టారెంట్ సిబ్బందితో కలిసి పోజులిచ్చాడు. ఇక ఈ ఫొటోల్లో ఎన్టీఆర్ పూర్తిగా పెరిగిన మీసాలు మరియు గడ్డంతో చాలా క్రేజీ లుక్ లో కనిపించాడు.
ఇక సినిమా విషయానికి వస్తే.. తారక్ హీరోగా కొరటాల శివ దర్శకత్వంలో రాబోతున్న ఎన్టీఆర్ 30 సినిమా ప్రీ-ప్రొడక్షన్ వర్క్ జరుగుతోంది. మేకర్స్ త్వరలోనే ఈ సినిమా గురించి మరిన్ని ఆసక్తికరమైన వివరాలను ప్రకటించనున్నారు.
https://www.instagram.com/stories/jrntr/3001502922019099571/
ఇవి కూడా చదవండి..
