వరల్డ్‌కప్‌ ఫైనల్లో భారత్‌ ఓటమి..

ఐసీసీ మహిళల టీ20 ప్రపంచకప్‌-2020 విజేతగా మరోసారి ఆస్ట్రేలియా నిలిచింది. ఫైనల్లో భారత్ ను అన్నిరంగాల్లో చిత్తు చేసి టైటిల్ చేజిక్కించుకున్నారు. మెల్బోర్న్ లో జరిగిన ఫైనల్ పోరులో ఆసీస్ 85 పరుగుల తేడాతో టీమిండియా మహిళల జట్టుపై విజయభేరి మోగించింది.

185 పరుగుల లక్ష్యం అందుకునే క్రమంలో భారత్ అమ్మాయిలు 99 పరుగులకే ఆలౌటయ్యారు. లక్ష్యఛేదనలో ఏ దశలోనూ విజయం దిశగా వెళుతున్నట్టు కనిపించని టీమిండియా 19.1 ఓవర్ల వద్ద తన ప్రస్థానం ముగించింది. దీంతో ఐదో సారి టీ20 ఫార్మట్‌లో జగజ్జేతగా నిలిచింది. మరోవైపు తొలి సారి ఫైనల్‌కు చేరిన టీమిండియాకు తీవ్రమైన నిరాశ తప్పలేదు.