 దూసుకుపోయింది){kind=link}
ప్రపంచవ్యాప్త అనిశ్చితి, భౌగోళిక రాజకీయ ఉద్రిక్తతలు , ఇంధన ధరలు భారీగా పెరిగినప్పటికీ భారత ఆర్థిక వ్యవస్థ 2025-26 ఆర్థిక సంవత్సరంలో (FY26) దూసుకుపోయింది. ప్రభుత్వం విడుదల చేసిన తాత్కాలిక గణాంకాల ప్రకారం.. అంతకుముందు ఏడాది నమోదైన 7.1% వృద్ధి రేటుతో పోలిస్తే ఈసారి రియల్ జీడీపీ వృద్ధి 7.7 శాతానికి పెరిగింది.
MoSPI విడుదల చేసిన డేటా ప్రకారం.. జనవరి-మార్చి త్రైమాసికంలో ఆర్థిక వ్యవస్థ 7.8% వృద్ధి చెందింది. ఇది ఆర్థిక సంవత్సరం ముగిసే వరకు కూడా దేశ వృద్ధి రేటు ఎంత బలంగా సాగిందో సూచిస్తోంది. 2022-23 స్థిర ధరల ఆధారంగా కొలిచే రియల్ జీడీపీ ..2025 లో రూ. 299.89 లక్షల కోట్లుగా ఉండగా 2026 నాటికి అది రూ. 323.12 లక్షల కోట్లకు చేరినట్లు అంచనా వేశారు. ఇక ద్రవ్యోల్బణ ప్రభావాన్ని కూడా పరిగణనలోకి తీసుకునే నామినల్ జీడీపీ అంతకుముందు ఏడాది ఉన్న రూ. 318.07 లక్షల కోట్ల నుండి 8.9% వృద్ధితో రూ. 346.36 లక్షల కోట్లకు పెరిగింది.
2026 లోని నాలుగు త్రైమాసికాలకు సంబంధించిన వాస్తవ డేటా ఆధారంగా ఈ తాత్కాలిక అంచనాలను రూపొందించారు. గత ఏడాదితో పోలిస్తే జీడీపీ మరియు జీవీఏ వృద్ధి రేట్లు రెండూ మెరుగయ్యాయి. పన్నులు మరియు సబ్సిడీలను మినహాయించి ఆర్థిక ఉత్పాదకతను కొలిచే ‘రియల్ జీవీఏ’ 2025లో 7.3% ఉండగా, FY26 లో 7.9% వృద్ధిని నమోదు చేసింది.
ప్రస్తుత ధరల ప్రకారం, ‘నామినల్ జీవీఏ’ అంతకుముందు ఏడాది ఉన్న రూ. 288.54 లక్ష కోట్ల నుండి 9.1% పెరిగి రూ. 314.87 లక్ష కోట్లకు చేరుకుంది.ఆర్థిక వ్యవస్థలోని అన్ని రంగాలలోనూ విస్తృతమైన వృద్ధి నమోదైనట్లు ఈ డేటా చూపిస్తోంది. దేశ ఆర్థిక కార్యకలాపాలలో ఎప్పటిలాగే సేవా రంగం అత్యధిక వాటాను కలిగి ఉండగా తయారీ , నిర్మాణం మరియు ఇతర పారిశ్రామిక రంగాలు కూడా ఈ వృద్ధికి తమ వంతు సహకారాన్ని అందించాయి.
Also Read:అర్థమయిందా..నాగబాబు!
ప్రభుత్వ నివేదిక ప్రకారం.. పారిశ్రామిక ఉత్పత్తి, జీఎస్టీ వసూళ్లు, కార్పొరేట్ ఆర్థిక ఫలితాలు, వాహనాల అమ్మకాలు, సరుకు రవాణా, టెలికాం వినియోగం, బ్యాంకింగ్ కార్యకలాపాలు, పన్ను వసూళ్లు మరియు వాణిజ్య డేటాతో సహా విస్తృతమైన సూచికలను పరిగణనలోకి తీసుకుని ఈ అంచనాలను రూపొందించారు. తదుపరి త్రైమాసిక జీడీపీ గణాంకాలను అంటే 2027 ఏప్రిల్-జూన్ త్రైమాసిక వివరాలను ఆగస్టు 31, 2026న విడుదల చేయాలని షెడ్యూల్ చేశారు.