దేశంలో రోజురోజుకి కరోనా కేసులు భారీ స్ధాయిలో పెరిగిపోతున్నాయి. గత 24 గంటల్లో కొత్తగా 14,821 పాజిటివ్‌ కేసులు నమోదుకాగా దేశంలో ఇప్పటివరకు 4,25,282 కరోనా కేసులు నమోదయ్యాయి. 13,699 మంది మృతిచెందగా 1,74,387 యాక్టివ్ కేసులు ఉన్నాయి. ఇక కరోనా నుండి కొలుకోని ఇప్పటివరకు 2,37,196 మంది డిశ్చార్జ్ అయ్యారు.
ఇక దేశంలో మహారాష్ట్రలో కరోనా కేసుల సంఖ్య రికార్డు స్ధాయిలో నమోదవుతునే ఉన్నాయి. మహారాష్ట్ర అగ్రస్దానంలో ఉండగా ఇప్పటివరకు 1,32,075 కరోనా కేసులు నమోదయ్యాయి. కరోనాతో మహారాష్ట్రలో 6170 మంది మృతిచెందగా రాష్ట్రంలో 2175 మంది మృతిచెందారు.
తమిళనాడులో 757 మంది ,గుజరాత్‌లో 1663 మంది, ఉత్తరప్రదేశ్‌లో 550 మంది బాధితులు మరణించారు.
ప్రపంచ వ్యాప్తంగా ఒక్కరోజే లక్షా80వేల కరోనా కేసులు నమోదయ్యాయి. ఒక్కరోజులో ఇన్నికేసులు నమోదుకావడం ఇదే తొలిసారి. ఇప్పటివరకు 87,08,008 కేసులు నమోదుకాగా 4,61,715 మృతిచెందారు.
