చిన్న చిన్న పాత్రలు చేస్తూ వచ్చిన అడివి శేష్ .. ‘క్షణం’ సినిమాతో ఎంతో క్రేజ్ తెచ్చుకున్నాడు. ‘అమీ తుమీ’ సినిమాతోను మంచి మార్కులు కొట్టేశాడు. ఈ క్రమంలో ఆయన హీరోగా ఒక సినిమా తెరకెక్కనుందనేది తాజా సమాచారం. ఈ సినిమాకి ఆయన సోదరుడు అడివి సాయి కిరణ్ దర్శకత్వం వహించనుండటం విశేషం. ఈ సినిమాను గవర పార్థసారథి నిర్మిస్తున్నారు. గతంలో సాయికిరణ్ ‘వినాయకుడు’ .. ‘కేరింత’ సినిమాలతో ప్రేక్షకుల ముందుకు వచ్చాడు. ఈయన అప్పుడెప్పుడో రాజేంద్ర ప్రసాద్ తో మిస్టర్ పెళ్లాం సినిమా తీశారు. చాలారోజులుగా ఇండస్ట్రీకి దూరంగా ఉన్న ఈయన అన్నదమ్ముల సినిమాతో తిరిగి సినిమా రంగానికి వస్తున్నారు.
ఇంతకుముందు అడవి శేష్ – సాయికిరణ్ కలిసి ఓ సినిమాకు పనిచేశారు. కిస్ పేరుతో తెరకెక్కిన ఈ సినిమా డైరెక్ట్ చేసింది అడవి శేష్. సాయికిరణ్ దీనికి నిర్మాతగా వ్యవహరించారు. కాకుంటే ఈ సినిమా ఎప్పుడొచ్చింది.. ఎప్పుడెళ్లిందీ చాలామందికి తెలియదు. యూత్ కి కనెక్ట్ అయ్యే ఒక విభిన్నమైన కథాంశంతో ఈ సినిమా తెరకెక్కనుందని అంటున్నారు. త్వరలోనే పూర్తి వివరాలను వెల్లడించనున్నారు.
