మిర్చి,శ్రీమంతుడు,జనతా గ్యారేజ్,భరత్ అనే నేను వంటి సినిమాలతో తనకంటూ ఓ ఇమేజ్ క్రియేట్ చేసుకున్న దర్శకుడు కొరటాల శివ. వరుస బ్లాక్ బస్టర్ హిట్ సినిమాలతో అగ్రహీరోల అటెన్షన్ తన వైపు తిప్పకున్న కొరటాల సక్సెస్‌కు కేరాఫ్ అడ్రస్‌గా మారాడు. ఇక ఇవాళ ఆయన బర్త్ డే సందర్భంగా కొణిదెల ప్రొడక్షన్స్‌,మ్యాట్నీ ఎంటర్‌టైన్‌మెంట్స్‌ సక్సెస్‌ఫుల్‌ డైరెక్టర్‌కి పుట్టినరోజు శుభాకాంక్షలు చెబుతూ విష్ చేసింది.
బ్రహ్మోత్సవం ఫ్లాప్‌తో నిరాశలో ఉన్న ప్రిన్స్‌ మహేష్‌కు భరత్ అనే నేను సినిమాతో బిగ్గెస్ట్ హిట్ ఇచ్చారు. ఈ సినిమాను డీవీవీ ఎంటర్‌టైన్ మెంట్ బ్యానర్‌పై డీవీవీ దానయ్య నిర్మించారు. వరుసగా నాలుగు సినిమాలు వందకోట్ల క్లబ్‌లో అడుగుపెట్టడంతో కొరటాల టాప్ దర్శకుడిగా మారిపోయారు.
భరత్ అను నేను తర్వాత మెగాస్టార్ చిరంజీవితో సినిమా చేయనున్నాడు కొరటాల. ప్రస్తుతం చిరంజీవి సైరా సినిమా చేస్తున్నారు. అక్టోబరులో ఈ సినిమా ప్రేక్షకుల ముందుకురానుండగా షూటింగ్ దాదాపు పూర్తికావొచ్చింది.
ప్రస్తుతం స్క్రీప్ట్ వర్క్ లో బిజీగా ఉన్న కొరటాల శివ ఆగస్టులో ఈమూవీ రెగ్యూలర్ షూటింగ్ ను ప్రారంభించాలని భావిస్తున్నాడట. వినోదంతో పాటు సందేశంతో కూడిన కథగా ఈ సినిమా సాగుతుందని చెబుతున్నారు. వరుసగా నాలుగు హిట్ సినిమాలతో టాలీవుడ్‌లో సరికొత్త హిస్టరీ క్రియేట్ చేసిన కొరటాల..చిరుతో ఎలాంటి మ్యాజిక్ చేస్తాడోనని మెగా అభిమానులంతా ఆసక్తిగా ఎదురుచూస్తున్నారు.
