నిన్న రిలీజైన ‘హనుమాన్’ టీజర్ అందరినీ ఆకట్టుకుంటూ మిలియన్ వ్యూస్ కొల్లగొడుతూ దూసుకెళ్తోంది. విడుదలైన కొన్ని గంటలకే మిలియన్ వ్యూస్ క్రాస్ చేసిన ఈ టీజర్ తాజాగా 5 మిలియన్ వ్యూస్ దాటేసింది. ప్రశాంత్ వర్మ విజువలైజేషన్ కి సినీ ప్రేమికులు ఫిదా అవుతున్నారు. ముఖ్యంగా విజువల్స్ , గ్రాఫిక్ వర్క్ అందరినీ ఆకట్టుకుంటూ టీజర్ హాట్ టాపిక్ అయింది.
హనుమాన్ టీజర్ రిలీజైన కొన్ని నిమిషాలకే ఆదిపురుష్ తో కంపేర్ చేస్తూ ఓం రుత్ ని ట్రోల్ చేస్తూ పోస్టులు పెట్టారు ప్రభాస్ ఫ్యాన్స్. మైథలాజికల్ ఫాంటసీ అడ్వెంచర్ అంటే ఇలా ఉండాలి అంటూ ఆదిపురుష్ ని టార్గెట్ చేస్తూ ట్వీట్స్ చేస్తున్నారు. ఆ సినిమా బడ్జెట్ కి ఈ సినిమ బడ్జెట్ కి వ్యత్యాసం చూపిస్తూ మరీ ఓం రౌత్ ని మీమ్స్ తో ఆడుకుంటున్నారు. దీంతో హనుమాన్ టీజర్ నిన్నతా ట్విట్టర్ లో ట్రెండయింది. యంగ్ డైరెక్టర్ ప్రశాంత్ వర్మ పై ప్రేక్షకులు ప్రశంసలు కురిపిస్తూ పోస్తులు చేస్తున్నారు.
మూడేళ్ళుగా ఈ ప్రాజెక్ట్ కోసం కష్టపడుతున్న కుర్ర హీరో తేజ సజ్జ ఒక్కసారిగా హనుమాన్ టీజర్ తో ట్రెండింగ్ లో నిలిచాడు. పాన్ ఇండియా మూవీగా అన్ని భాషల్లో రిలీజవుతున్న ఈ సినిమా కోసం మూవీ లవర్స్ ఎంతగానో ఎదురుచూస్తున్నారు. త్వరలోనే సినిమాకు సంబంధించి రిలీజ్ డేట్ చెప్పనున్నారు.
ఇవి కూడా చదవండి..
