గుడిమల్ల భరత్‌ మృతి..సీఎం కేసీఆర్,కేటీఆర్,సంతోష్ సంతాపం

ప్రముఖ ఫోటోగ్రాఫర్ గుడిమల్ల భరత్ భూషణ్ మరణం పట్ల ముఖ్యమంత్రి శ్రీ కె. చంద్రశేఖర్ రావు, మంత్రి కేటీఆర్, ఎంపీ సంతోష్ కుమార్ సంతాపం ప్రకటించారు. తెలంగాణ ప్రజల జీవన శైలిని, సంస్కృతిని, చారిత్రక ఘట్టాలను తన ఆర్ట్ ద్వారా, ఛాయా చిత్రాల ద్వారా ప్రపంచానికి చాటిన భరత్ భూషణ్ దశాబ్దాల కృషి గొప్పదని సీఎం అన్నారు. భరత్ భూషణ్ మరణంతో తెలంగాణ ఒక అరుదైన చిత్రకారుడు, ఫోటో జర్నలిస్ట్ ను కోల్పోయిందని విచారం వ్యక్తం చేశారు. వారి కుటుంబ సభ్యులకు సీఎం తన ప్రగాఢ సానుభూతిని తెలిపారు.

భరత్ భూషణ్ అద్భుతమైన చిత్రకారుడని… తెలంగాణ ప్రజల సంస్కృతిని చారిత్రక ఘట్టాలను ప్రపంచానికి చూపించిన గొప్ప కళాకారుడన్నారు మంత్రి కేటీఆర్.భరత్ భూషణ్ కుటుంబ సభ్యులకు తన ప్రగాఢ సంతాపాన్ని, సానుభూతిని తెలిపారు.