అశ్లీల కంటెంట్..ఈ యాప్‌లపై నిషేధం

ఆన్‌లైన్‌లో చట్ట విరుద్ధమైన మరియు అశ్లీల విషయాల వ్యాప్తిని నిరోధించేందుకు కీలక చర్యగా, భారత సమాచార మరియు ప్రసార మంత్రిత్వ శాఖ (MIB) దేశవ్యాప్తంగా ఉన్న ఇంటర్నెట్ సర్వీస్ ప్రొవైడర్లను (ISPs) 24 వెబ్‌సైట్లు మరియు యాప్‌లపై ప్రజలకు ప్రాప్యత నిలిపివేయాలని ఆదేశిస్తూ ఒక నోటిఫికేషన్‌ను జారీ చేసింది.

ఈ వెబ్‌సైట్లు మరియు యాప్‌లు భారతదేశ చట్టాలు, డిజిటల్ నైతిక ప్రమాణాలను ఉల్లంఘించినట్లు తెలిపింది సమాచార శాఖ. ముఖ్యంగా అశ్లీల, సాఫ్ట్ పోర్న్ వంటి కంటెంట్‌ను ప్రోత్సహించిన కారణంగా వాటిని నిషేధించారు.

నిషేధించబడిన యాప్‌ల వివరాలను పరిశీలిస్తే.. కంగన్ యాప్,బుల్ యాప్,జల్వా యాప్,వావ్ ఎంటర్‌టైన్‌మెంట్,లుక్ ఎంటర్‌టైన్‌మెంట్,హిట్‌ప్రైమ్,ఫెనియో,షోఎక్స్,సోల్ టాకీస్,అడ్డా టీవీ,హాట్‌ఎక్స్ VIP,హుల్చుల్ యాప్,మూడ్‌ఎక్స్,నియాన్‌ఎక్స్ VIP,ఫ్యూగీ,మోజ్‌ఫ్లిక్స్,ట్రైఫ్లిక్స్ ఉన్నాయి.

ఈ యాప్‌లు మరియు వెబ్‌సైట్లు సమాచార సాంకేతిక చట్టం, 2000లోని సెక్షన్ 67, 67A, భారతీయ న్యాయ సంహిత – 2023లోని సెక్షన్ 294, మరియు ఇండీసెంట్ రిప్రజెంటేషన్ ఆఫ్ ఉమెన్ (ప్రొహిబిషన్) చట్టం, 1986లోని సెక్షన్ 4కి విరుద్ధంగా ఉన్నట్లు గుర్తించారు. IT చట్టంలోని సెక్షన్ 67, 67A: ఎలక్ట్రానిక్ రూపంలో అశ్లీలమైన లేదా లైంగిక కంటెంట్‌ను ప్రచురించడం, పంపిణీ చేయడం నిషిద్ధం.

Also Read:రైతు బతుకు బరువు చేస్తావా?