డాన్ శీను, బలుపు, క్రాక్, వీర సింహా రెడ్డి… వంటి సినిమాలతో దర్శకుడు గోపీచంద్ మలినేని మాస్ సినిమాల స్పెషలిస్ట్ గా పేరొందాడు. రవితేజ, గోపీచంద్ మలినేని కలిస్తే ఆ లెక్క వేరు. ప్రస్తుతం రవితేజతో గోపీచంద్ మలినేని ఓ సినిమా చేస్తున్నాడు. ఐతే, ఇప్పుడు తమిళ హీరో శింబు ని డైరెక్ట్ చేసే అవకాశం దక్కించుకున్నారు గోపీచంద్ మలినేని. తమిళ హీరో శింబు విభిన్న చిత్రాలు చేస్తూనే పక్కా మాస్ చిత్రాలు చేస్తూ ఉంటారు. శింబుకి గోపీచంద్ మలినేని మార్క్ సినిమాలు కూడా నచ్చుతాయట. అందుకే గోపీచంద్ మలినేనితో సినిమా చేసేందుకు శింబు ఒప్పుకున్నారని సమాచారం.
ఐతే తాజాగా పీపుల్స్ మీడియా సంస్థ శింబు – గోపీచంద్ మలినేని కాంబినేషన్ ని సెట్ చేసింది అని అంటున్నారు. ధనుష్ – గోపీచంద్ మలినేని కాంబినేషన్ లో సినిమా తీద్దామని మొదట మేకర్స్ భావించారు. నిజానికి వీరి కాంబినేషన్ లో సినిమా ఉంటుంది అని చాలా కాలంగా వినిపిస్తోంది. కానీ, ధనుష్ శేఖర్ కమ్ముల, నెల్సన్… ఇలా కాంబినేషన్ లు సెట్ చేసుకుంటున్నాడు. ఆ లిస్ట్ లో గోపీచంద్ మలినేనికి ఛాన్స్ ఇప్పుడే రాకపోవచ్చు.
దాంతో ప్రత్యామ్నాయంగా పీపుల్స్ మీడియా సంస్థ.. గోపీచంద్ మలినేనితో మాట్లాడారు అని అంటున్నారు. ప్రస్తుతం మాస్ మహారాజా రవితేజ హీరోగా గోపీచంద్ మలినేని ఓ మూవీ చేయడానికి సిద్ధం అయిన సంగతి తెలిసిందే. ఈ సినిమా ప్రీ ప్రొడక్షన్ వర్క్ ప్రస్తుతం ముమ్మరంగా జరుగుతుంది. వచ్చే నెల మూడో వారం నుంచి ఈ సినిమా ఫస్ట్ షెడ్యూల్ స్టార్ట్ కానుంది. ఈ సినిమా పూర్తి అయ్యాక, వెంటనే.. గోపీచంద్ మలినేని – శింబు కలయికలో సినిమా స్టార్ట్ కానుంది.
Also Read:‘బ్లాక్ టీ’తో ఉపయోగాలు..
