గోపిచంద్ సరసన స్వీటీ అనుష్క మరోసారి నటించేందుకు గ్రీన్ సిగ్నల్ ఇచ్చినట్లు సోషల్ మీడియాలో వార్తలు చక్కర్లు కొడుతున్నాయి. గతంలో వీరిద్దరు ‘లక్ష్యం’, ‘శౌర్యం’ వంటి చిత్రాల్లో నటించి మంచి హిట్‌ను సాధించారు. మరోసారి వీరిద్దరి మూవీని ‘నా నువ్వే’ సినిమాకు దర్శకత్వం వహిస్తున్న జయేంద్ర ఈ చిత్రాన్ని తెరకెక్కించనున్నాడు.
ప్రస్తుతం జయేంద్ర తెరకెక్కిస్తున్న ‘నా నువ్వే’ చిత్రంలో కల్యాణ్‌ రామ్, తమన్నా జంటగా నటిస్తున్నారు. ఈ మూవీ ఈ నెల 25న విడుదలకు సిద్దమవుతోంది. ఈ సినిమా తర్వాత అనుష్క, గోపిచంద్ మూవీని సెట్స్‌పైకి తీసుకెళ్లేందుకు ప్రయత్నాలు జరుగుతున్నాయి. ఈ చిత్రాన్ని నిర్మించిన కిరణ్ ముప్పవరపు, విజయ్ కుమార్, గోపిచంద్, అనుష్కల సినిమాను కూడా నిర్మించనున్నారు. ఈ మూవీకి సంబంధించిన అధికారిక ప్రకటన మాత్రం వెలువడలేదు.
బాహుబలి చిత్రంలో నటించి ప్రపంచ వ్యాప్తంగా గుర్తింపు తెచ్చుకున్న అనుష్క గత చిత్రం ‘భాగమతి’ సినిమాతో మరోసారి ఆకట్టుకుంది. ప్రస్తుతం గోపిచంద్ కె.చక్రవర్తి డైరెక్షన్‌లో ‘పంతం’ సినిమాతో బిజీగా ఉన్నారు. ఇందులో హీరోయిన్‌గా మెహ్రీన్ నటిస్తుండగా శ్రీ సత్యసాయి ఆర్ట్స్ పతాకంపై ఈ సినిమా రూపొందిస్తున్నారు. త్వరలోనే ఈ సినిమా రిలీజ్ కానుంది.
