తమిళ స్టార్ హీరో, ‘థల’ అజిత్ కుమార్ 55వ పుట్టినరోజు సందర్భంగా అభిమానులకు అదిరిపోయే అప్డేట్ అందింది. అజిత్ వ్యక్తిగత జీవితంలో అత్యంత ఇష్టపడే మోటార్ స్పోర్ట్స్ ప్రయాణంపై రూపొందించిన ‘గ్లాడియేటర్స్’ (Gladiators) అనే రేసింగ్ డాక్యుమెంటరీని అధికారికంగా ప్రకటించారు.
సినిమాలతో పాటు ప్రొఫెషనల్ రేసింగ్లోనూ రాణిస్తున్న అజిత్, తన రేసింగ్ టీమ్ ‘అజిత్ కుమార్ రేసింగ్’ (AKR) ప్రయాణాన్ని ఈ డాక్యుమెంటరీలో చూపించబోతున్నారు.తాజాగా విడుదలైన ఫస్ట్ గ్లింప్స్ వీడియోలో అజిత్ రేసింగ్ ట్రాక్పై వేగంగా దూసుకుపోవడం, రేసింగ్ పట్ల ఆయనకు ఉన్న అంకితభావం కనిపిస్తోంది. ఇది కేవలం డాక్యుమెంటరీ మాత్రమే కాకుండా ఒక స్ఫూర్తిదాయక కథగా ఉండబోతోంది.
సాధారణంగా ఇలాంటి డాక్యుమెంటరీలు OTT లో వస్తుంటాయి, కానీ అజిత్ క్రేజ్ను దృష్టిలో ఉంచుకుని దీనిని థియేటర్లలో విడుదల చేయాలని నిర్ణయించారు.ఈ ప్రాజెక్ట్ను ప్రముఖ నిర్మాణ సంస్థ లైకా ప్రొడక్షన్స్ నిర్మిస్తోంది.
Also Read:ఆర్అండ్బీ టెండర్లలో అవినీతి:హరీష్
సినిమా వార్తలతో పాటు తన ప్యాషన్ అయిన రేసింగ్ గురించి అప్డేట్ రావడంతో అజిత్ అభిమానులు సోషల్ మీడియాలో పండగ చేసుకుంటున్నారు. ప్రస్తుతం అజిత్ ‘విడముయర్చి’ మరియు ‘గుడ్ బ్యాడ్ అగ్లీ’ సినిమాలతో బిజీగా ఉన్నారు. ఈ లోపు ‘గ్లాడియేటర్స్’ ద్వారా అజిత్ అసలు సిసలు రేసింగ్ స్కిల్స్ను వెండితెరపై చూసే అవకాశం దక్కనుంది.