తగ్గిన సన్‌ఫ్లవర్ ఆయిల్ ధరలు!

వినియోగదారులకు గుడ్ న్యూస్. ఫ్రీడమ్ రిఫైండ్ సన్‌ఫ్లవర్ ఆయిల్ ధరలు తగ్గాయి. కొద్ది వారాలుగా సన్‌ఫ్లవర్‌ ఆయిల్‌ సరఫరా మెరుగవడంతో జెమినీ ఎడిబల్స్‌ అండ్‌ ఫ్యాట్స్‌ ఇండియా (జీఈఎఫ్‌) ఆయిల్ ధరలను తగ్గించింది.

ఒక లీటర్‌ పౌచ్‌ ధరను వరుసగా రెండు వారాల్లో రూ.35 తగ్గించి రూ.200కు పరిమితం చేశామని ఫ్రీడమ్‌ హెల్తీ కుకింగ్‌ ఆయిల్స్‌ సీనియర్‌ వైస్‌ ప్రెసిడెంట్‌ పీ చంద్రశేఖర్‌ రెడ్డి తెలిపారు. ప్రధానంగా ఉక్రెయిన్‌ నుంచి భారత్‌ ముడి సన్‌ఫ్లవర్‌ ఆయిల్‌ను దిగుమతి చేసుకుంటోందని, రష్యా-ఉక్రెయిన్‌ యుద్ధం కారణంగా సరఫరాలో అంతరాయాలు ఏర్పడ్డాయని చెప్పారు.