హైదరాబాద్ లోని ఓ పెట్రోల్ బంకులో దారుణం చోటుచేసుకుంది. నగరంలోని గోల్కొండ పోలీస్‌స్టేషన్‌ పరిధిలోని షేక్‌పేట నాల వద్ద ఉన్న ఇండియన్ ఆయిల్ పెట్రోల్ బంకులో ఒక్కసారిగా మంటలు చెలరేగాయి. ఓ కారులో పెట్రోల్ నింపుతుండగా అగ్ని ప్రమాదం సంభవించింది. ఈ ప్రమాదంలో ఓ కారు పూర్తిగా దగ్ధమైంది. దీంతో ఒక్కసారిగా అక్కడున్న వాళ్లందరు దూరంగా పరుగెత్తారు. కారులో ఉన్నవారు వెంటనే కారు దిగి పరుగెత్తారు.
పెట్రోల్ బంక్ సిబ్బంది కూడా వెంటనే పరుగులు పెట్టడంతో ఎటవంటి ప్రాణనష్టం జరుగలేదు. అయితే మంటలు పెద్ద ఎత్తున రావడంతో కారు, పెట్రోల్ బంకు పూర్తిగా కాలిపోయాయి. మంటల కారణంగా భారీ ఎత్తున పొగలు రావడంతో స్థానికులు భయాందోళనలకు గురయ్యారు. దీంతో వెంటనే సమాచారం అందుకున్న అగ్నిమాపక సిబ్బంది ఘటనా స్ధాలనికి చేరుకుని మంటలను అదుపులోకి తీసుకువచ్చారు. కేసు నమోదు చేసుకున్న పోలీసులు ఘటనపై దర్యాప్తు చేపట్టారు.
