మందు బాబులకు షాక్. పలు రాష్ట్రాల్లో రెండు రోజులు వైన్స్ బంద్ కానున్నాయి. పండుగలు ,పలు వేడుకల కారణంగా దేశంలోని అనేక నగరాల్లో బార్లు, పబ్లు, రెస్టారెంట్లు, వైన్ స్టోర్లు, మద్యం షాపులు పలు రోజులు మూసివేయబడతాయి. ఈ నిషేధం 24 గంటలపాటు అమల్లో ఉంటుంది.
అయితే ఆగస్టు 15తో పాటు ఢిల్లీ, ముంబై, బెంగళూరు వంటి మెట్రో నగరాల్లో అధికారులు డ్రై డేస్ జాబితాను ప్రకటించారు. ఢిల్లీలో స్వాతంత్ర్య దినోత్సవం (ఆగస్టు 15) మరియు జన్మాష్టమి (ఆగస్టు 16) రోజుల్లో అన్ని మద్యం దుకాణాలు మూసివేయబడతాయి. అలాగే మహాత్మా గాంధీ జయంతి (అక్టోబర్ 2) రోజున కూడా అన్ని మద్యం దుకాణాలు, బార్లు, రెస్టారెంట్లు, హోటళ్లు, క్లబ్బులు మూసివేయబడతాయి.
మహారాష్ట్రలో ఆగస్టు 27న ప్రారంభమయ్యే గణేష్ చతుర్థి సందర్భంగా, ముంబై మరియు పరిసర ప్రాంతాల్లో మద్యం అమ్మకాలపై రాష్ట్ర ప్రభుత్వం కఠిన ఆదేశాలు జారీ చేసింది. ఆగస్టు 15 (స్వాతంత్ర్య దినోత్సవం) మరియు ఆగస్టు 16 (జన్మాష్టమి) రోజుల్లో మద్యం అమ్మకాన్ని నిషేధించారు.అలాగే గణేష్ చతుర్థి ప్రారంభదినం 27 ఆగస్టు మరియు ముగింపు రోజు 6 సెప్టెంబర్ (అనంత చతుర్దశి) రోజున కూడా మద్యం విక్రయంపై పూర్తిగా నిషేధం ఉంటుంది.
Aloso Read:సుప్రీం కోర్టు సంచలన తీర్పు..
10 రోజుల ఉత్సవ కాలంలో, సెప్టెంబర్ 5న కూడా (విసర్జనకు ముందు రోజు) పెద్ద ఊరేగింపులు, జనసమూహాల కారణంగా డ్రై డే విధించే అవకాశం ఉంది. వసరమైతే, మొత్తం పండుగ కాలంలో లైసెన్స్ పొందిన విక్రేతలు, రెస్టారెంట్లు, బార్ల ద్వారా మద్యం అమ్మకాన్ని పూర్తిగా నిషేధించవచ్చు.
బెంగళూరు పరిపాలన వచ్చే వారం వరుసగా రెండు డ్రై డేస్ను అమలు చేయనుంది. ఆగస్టు 15 (స్వాతంత్ర్య దినోత్సవం) మరియు ఆగస్టు 16 (జన్మాష్టమి) రోజుల్లో మద్యం విక్రయంపై 48 గంటలపాటు నిషేధం ఉంటుంది.అలాగే ఆగస్టు 27న గణేష్ చతుర్థి రోజున కూడా బెంగళూరులో డ్రై డే ఉండే అవకాశం ఉంది. ముంబై మాదిరిగానే, సెప్టెంబర్ 6న జరిగే విసర్జన సమయంలో అదనపు పరిమితులు విధించే అవకాశం ఉంది.