తమిళ చిత్రసీమలో ‘దళపతి’గా కోట్లాదిమంది అభిమానుల మనసు గెలుచుకున్న విజయ్ నేపథ్యం చాలా ప్రత్యేకం. ఆయన తల్లిదండ్రులు ఇద్దరూ కూడా సినిమా రంగానికి చెందినవారే కావడం గమనార్హం.
విజయ్ తండ్రి ఎస్.ఎ. చంద్రశేఖర్ క్రైస్తవ మతానికి చెందినవారు కాగా, ఆయన తల్లి శోభ హిందూ మతానికి చెందినవారు. వీరిద్దరి విభిన్న సాంప్రదాయాల కలయిక విజయ్ పెంపకంలో ప్రతిబింబిస్తుంది. విజయ్ తండ్రి ఎస్.ఎ. చంద్రశేఖర్ సినీ రంగంలో సుపరిచితులు. ఆయన కేవలం తమిళంలోనే కాకుండా తెలుగు, కన్నడ, హిందీ భాషల్లో సుమారు 70కి పైగా చిత్రాలకు దర్శకత్వం వహించి గొప్ప గుర్తింపు పొందారు.
విజయ్ తల్లి శోభ కూడా కళాకారిణిగా తనకంటూ ఒక ప్రత్యేక స్థానాన్ని సంపాదించుకున్నారు. ఆమె కేవలం ప్లేబ్యాక్ సింగర్ (నేపథ్య గాయని) మాత్రమే కాకుండా.. స్క్రీన్ రైటర్, ప్రొడ్యూసర్ మరియు డైరెక్టర్గా కూడా బాధ్యతలు నిర్వహించారు.ఈ దంపతులకు విజయ్తో పాటు విద్యా అనే కుమార్తె ఉండేవారు. అయితే, దురదృష్టవశాత్తూ విద్యా చిన్న వయసులోనే మరణించారు.
Also Read:చాపకింద నీరులా ఫంగల్ ఇన్ఫెక్షన్!
విజయ్ 1974 జూన్ 22న చెన్నైలో జన్మించారు.తమ తల్లిదండ్రుల నుండి వారసత్వంగా వచ్చిన కళాభిరుచిని పుణికిపుచ్చుకున్న విజయ్, నేడు దక్షిణాది సినిమాలోనే అత్యంత ప్రభావవంతమైన హీరోలలో ఒకరిగా నిలిచారు.