సిద్దు జొన్నలగడ్డ హీరోగా విమల్ కృష్ణ డైరెక్షన్ లో వచ్చిన డీజే టిల్లు సినిమా ఈ ఏడాది సైలెంట్ మూవీ గా వచ్చి బ్లాక్ బస్టర్ అనిపించుకుంది. మేకర్స్ ఊహించిన దానికంటే నాలుగింతలు లాభాలు తెచ్చిపెట్టిన ఈ సినిమాకు ప్రస్తుతం సీక్వెల్ రాబోతున్న సంగతి తెలిసిందే. ఇప్పటికే కొంత షూట్ పూర్తయింది కూడా. టిల్లు 2 టైటిల్ తో రూపొందుతున్న ఈ సీక్వెల్ సినిమాకు మల్లిక్ రాం దర్శకత్వం వహిస్తున్నాడు.
అయితే ఆ మధ్య సిద్దు కి హీరోయిన్ గా అనుపమ పరమేశ్వరన్ ని తీసుకున్నారు మేకర్స్. ఆమె మీద కొంత షూట్ కూడా చేశారు. కానీ తాజాగా ఆమె ప్రాజెక్ట్ నుండి తప్పుకుంది. దీంతో మేకర్స్ సెబాస్టియన్ ను హీరోయిన్ గా తీసుకోవాలని భావించారు. కానీ ఆమె లుక్ టెస్ట్ లో ఫెయిల్ అయ్యిందని తెలుస్తుంది. దీంతో మేకర్స్ మరో హీరోయిన్ కోసం చూస్తున్నారట.
తాజాగా హిట్ 2 తో సూపర్ హిట్ అందుకున్న మీనాక్షి చౌదరి ని అనుకుంటున్నారని టాక్ వినబడుతుంది. ఏదేమైనా టిల్లు 2 కి హీరోయిన్ తో పెద్ద చిక్కే ఉంది. మరి ఈ క్రేజీ సినిమాలో సిద్దు తో కలిసి నటించబోయే ఆ ఛాన్స్ ఏ హీరోయిన్ కి దక్కుతుందో తెలియాలంటే ఇంకొద్ది రోజులు వెయిట్ చేయాల్సిందే. హీరోయిన్ ఫిక్స్ అయిన వెంటనే ఈ సినిమా మళ్ళీ సెట్స్ పైకి వెళ్లనుంది.
ఇవి కూడా చదవండి…
